ភ្នំពេញ ៖ រថយន្ត Flying Spur ស៊េរីថ្មី ដែលជាប្រភេទរថយន្ត Grand Touring Sedan ដ៏មហាប្រណីត បានបង្ហាញខ្លួនជាលើកដំបូងនៅក្នុងប្រទេសកម្ពុជា កាលពីថ្ងៃ ២៩ ខែកុម្ភៈ ឆ្នាំ ២0២0។ នៅពេលនេះលោកអ្នកអាចមកទិញ ឬមកមើលរូបរាងដ៏ប្រណីតនេះបាន នៅឯសាលតាំងបង្ហាញរថយន្ត Bentley ក្នុងរាជធានីភ្នំពេញ។
លោក Bernd Pichler នាយកក្រុមហ៊ុន Bentley Motors ប្រចាំតំបន់អាស៊ីប៉ាស៊ីហ្វិកបានមានប្រសាសន៍ថា «រថយន្តម៉ូដែល Flying Spur ជំនាន់ទីបីនេះ គឺជាតឹកតាង បង្ហាញឲ្យឃើញពីភាសារចនាចម្លាក់នាសហសម័យរបស់រថយន្ត Bentley ។ហើយវត្តមានដ៏លេចធ្លោ និងគួរឲ្យចាប់ចិត្តរបស់រថយន្តនេះនៅលើដងផ្លូវ ធ្វើឲ្យស្គាល់ច្បាស់ថា នេះជារថយន្ត Bentley ដោយគ្មានការភាន់ច្រឡំឡើយ។ ដោយសហការ ជាមួយនឹងភ្នាក់ងារចែកចាយផ្លូវការរបស់យើង គឺក្រុមហ៊ុន Bentley Phnom Penh យើងមានសេចក្តីរំភើបរីករាយក្នុងបង្ហាញ Flying Spur ស៊េរីថ្មី ឲ្យអតិថិជនរបស់យើងក៏ដូចជាអ្នកចូលចិត្តរថយន្ត Bentley នៅក្នុងប្រទេសកម្ពុជាបានឃើញ»។
រថយន្ត Flying Spur ស៊េរីថ្មី ត្រូវបានរចនាឡើងយ៉ាងពិសេស ដើម្បីតម្រូវចិត្តទាំងអ្នកបើកបរនិងអ្នកជិះ ក្នុងលក្ខណៈដែលរថយន្តផ្សេងទៀត មិនអាចធ្វើបានដូច្នេះឡើយ។ រថយន្តប្រភេទទ្វារបួននេះត្រូវបានរចនាថ្មីតាំងពីផ្នែកខាងក្រោមដល់ផ្នែកខាងលើ ដោយផ្សំពីទឹកដៃដ៏ល្អបំផុតរបស់អង់គ្លេស ព្រមជាមួយនឹងគ្រឿងបំពាក់ទំនើប និងប្រកបដោយនវានុវត្តន៍ (ការបង្កើតឡើងថ្មី)។
រថយន្តនេះ ត្រូវបានផលិតឡើងដោយប្រើប្រាស់តួប្រភេទថ្មីទាំងស្រុង ហើយជំហររាងរៅរបស់រថយន្តប្រៀបបាននឹងកីឡាករអត្តពលកម្ម ពីព្រោះភ្លៅផ្នែកខាងមុខត្រូវបានរំកិលទៅមុខ ដើម្បីធ្វើឲ្យគម្លាតកង់មុខនឹងកង់ក្រោយឆ្ងាយគ្នាបន្តិច។ រាងរៅ ដ៏ឆើតឆាយ ដូចសាច់ដុំកីឡាករ ជាពិសេសនៅផ្នែកខាងក្រោយ ត្រូវបានធ្វើឲ្យកាន់តែផុសលេចធ្លោ តាមរយៈអំពូល LED ម៉ាទ្រិច បែបគ្រីស្តាល់ជំនាន់ថ្មីបំផុតរបស់ម៉ាក Bentley នេះ និងចង្កៀងក្រោយប្រភេទថ្មីដែលមានស៊ុំស្រោប និងមានរាងជាអក្សរ «B» ។ ការរចនាកង់ ២១ និង ២២ អ៊ីញប្រភេទថ្មី រឹតតែពង្រឹងលក្ខណៈសម្គាល់ និងភាពហំហានរបស់ម៉ូឌែល Flying Spur នេះថែមទៀត។
នេះជាលើកដំបូងហើយសម្រាប់ម៉ូឌែល Flying Spur សម័យថ្មី ដែលរូប Bentley «Flying B» ដែលអាចបិទបើកបាន ត្រូវបានលម្អប្រកបដោយមោទកភាពនៅផ្នែកខាងក្នុង និងមុខរថយន្តម៉ូឌែលថ្មីនេះ។ វាអាចបញ្ជាបិទបើកដោយស្វ័យប្រវត្តិ ហើយផុសចេញពីផ្នែកខាងក្រោមនិមិត្តសញ្ញា Bentley ដ៏ទំនើបស្រស់ស្អាត។
នៅផ្នែកខាងក្នុងដ៏ស្រសឆើតឆាយ លំហូររចនាលាតសន្ធឹងចាប់ពីតាប្លូខាងមុខប្រភេទថ្មី ដែលមានរាងដូចស្លាបបក្សី ហើយភ្ជាប់ពីកន្លែងអ្នកជិះផ្នែកខាងមុខទៅផ្នែកខាងក្រោយ ដើម្បីបង្កើតជារចនាបទថ្មីទាំងស្រុង។ ផ្នែកខាងក្នុង ប្រាកដណាស់ គឺរថយន្ត Bentley ដោយមានបំពាក់នូវសម្ភារធ្វើពីធម្មជាតិ និងជារបស់ពិត ព្រមជាមួយនឹងបច្ចេកវិទ្យាថ្មីៗជាច្រើន។
អេក្រង់ Bentley Rotating Display ដ៏ពិសេស គឺជាគ្រឿងបំពាក់ស្នូលសម្រាប់តាប្លូដែលត្រូវបានច្នៃយ៉ាងស្រស់ស្អាតនេះ។ ផ្ទាំងបញ្ជាកម្រិត HD នេះ គឺបំពាក់ ដោយអេក្រង់ចុចបែប ឌីជីថលទំហំ ១២.៣ អ៊ីញ ប៊ូតុងដ៏ស្រស់ស្អាត និងលម្អទៅដោយបន្ទះឈើ។ ឧបករណ៍បញ្ជាអេក្រង់ (Touch Screen Remote Control) ដែលអាចដកបាន ជាគ្រឿងបំពាក់ពិសេសសម្រាប់ប្រើប្រាស់ពីកៅអីខាងក្រោយ។ ឧបករណ៍បញ្ជាដ៏ទំនើបទាន់សម័យនេះអាចបញ្ជារាល់មុខងារសំខាន់ៗទាំងអស់ រាប់បញ្ចូល ទាំងព្រិលបាំងថ្ងៃ មុខងារគ្រប់គ្រងសីតុណ្ហភាព និងមុខងារម៉ាស្សាពូកខាងក្រោយ។ ឧបករណ៍បញ្ហានេះក៏អាចបញ្ជាលើប្រព័ន្ធ Flying Spur ផងដែរ។
ផាសុកភាព និងការសម្រិតសម្រាំង សម្រាប់ផ្នែកខាងក្នុងដ៏ទូលាយ ត្រូវបានពង្រឹងថែមទៀតតាមរយៈការបំពាក់នូវបន្ទះឈើមួយសន្លឹក ឬពីរសន្លឹក (Single or Dual Veener)។ ទាំងផ្នែកខាងមុខ និងផ្នែកខាងក្រោយ រថយន្ត Bentley បានបំពាក់នូវពូកស្បែករចនាបទថ្មីទាំងស្រុង ដែលមានការដេររចនាស្បែករាងគ្រាប់ពេជ្រសម្រាប់ Mulliner Driving Specification។ នេះជាលើកដំបូងហើយក្នុងពិភពលោកដែល ផ្ទៃទ្វារស្បែកត្រូវបានដេរជារាងគ្រាប់ពេជ្របែប 3D។
ដំបូលកញ្ចក់ដែលអាចបំពាក់ទៅតាមជម្រើសនោះ លាតសន្ធឹងពេញផ្ទៃដំបូល ដែលធ្វើឲ្យផ្ទៃខាងក្នុងមានពន្លឺ និងនាំឲ្យអ្នកអង្គយក្នុងរថយន្តមានអារម្មណ៍ពិសេសក្នុងការធ្វើដំណើរ។ ប្រព័ន្ធសំឡេងដ៏វិសេស មានបំពាក់ទៅដោយប្រព័ន្ធបាស Bang & Olufsen ដែលមានបាសចំនួន ១៦ ព្រមជាមួយនឹងប្រព័ន្ធភ្លេង Naim កម្លាំង 2,200 វ៉ាត់។
រថយន្ត Flying Spur ស៊េរីថ្មី ជារថយន្តនាំមុខគេនៅក្នុងចំណែកទីផ្សាររថយន្តប្រណីត សម្រាប់បច្ចេកវិទ្យាទំនើបទាន់សម័យរបស់ខ្លួន។ ប្រព័ន្ធជំនួយអ្នកបើកបរ រួមមានកាម៉េរាពេលយប់ (Night Vision infra-red camera) ជំនួយចរាចរណ៍(Traffic Assist) ប្រព័ន្ធផ្តល់សញ្ញាអំពីវត្ថុមើលពុំឃើញ (Blind Sport Warning) និងប្រព័ន្ធបង្ហាញព័ត៌មាននៅលើកញ្ចក់មុខ (Head-Up Display)។ គ្រឿងបំពាក់សម្រាប់ភ្ជាប់មុខងារទំនាក់ទំនងផ្សេងៗរួម Wi-Fi hotspot ជាដើម ជួយឲ្យអ្នកបើកបរអាចប្រើប្រាស់មុខងារ និងសេវាផ្សេងៗបានភ្លាមៗក្នុងពេលតែមួយ។
ដោយសារតែសាក់ស៊ីប្រភេទថ្មីទាំងស្រុង និងទំនើបធ្វើពីអាលុយមីញ៉ូម និងកាបូនធ្វើឲ្យរថយន្ត Flying Spur ក្លាយជាមហាសមិទ្ធផលបច្ចេកវិទ្យា។ បច្ចេកវិទ្យាចង្កូតមានដំណើរការលើគ្រប់កង់ដោយប្រព័ន្ធភ្លើង ត្រូវបានប្រើប្រាស់លើកដំបូង សម្រាប់រថយន្តម៉ាក Bentley ដែលបញ្ចូលគ្នាជាមួយនឹងប្រព័ន្ធ Active All-Wheel Drive និង Bentley Dynamic Ride – ជាប្រព័ន្ធភ្លើងប្រឆាំងការរអិលដំបូងគេ ដែលមានកម្លាំង48V - ដើម្បីធ្វើឲ្យកាបើកបរ និងការធ្វើដំណើរមានភាពអស្ចារ្យ។ គ្រោងបំពាក់ទំនើបមួយទៀត គឺបូមខ្យល់បីថតប្រភេទថ្មី ដែលផ្តល់ភាពងាយស្រួលជាងមុនក្នុងការកំណត់ប្រព័ន្ធបូម limousine ទៅជាការជិះក្នុងលក្ខណៈរថយន្តស្ព័រ។ ប្រព័ន្ធនេះអនុញ្ញាតឲ្យរថយន្ត Flying Spur មានសមត្ថភាពកាន់តែច្រើន ដែលពុំធ្លាប់មានពីមុនមកឡើយ សម្រាប់រថយន្តប្រណិត។
ចំណុចជាបេះដូងរបស់ Flying Spur គឺម៉ាស៊ីនប្រភេទថ្មីរបស់ Bentley ជាប្រភេទម៉ាស៊ីន 6.0-litre, W12 ទែរបូភ្លោះ ភ្ជាប់ទៅនឹងប្រព័ន្ធប្រអប់លេខ 8 លេខ ដ៏ទំនើបដែលមានអាំប្រ៊ីយ៉ាស្វ័យប្រវត្តិភ្លោះ សម្រាប់ការដូរលេខកាន់តែលឿន និងរលូនជាងមុន។ ម៉ាស៊ីន TSI ប្រភេទថ្មីនេះ ជួយឲ្យរថយន្តមានសន្ទុះល្បឿនពី 0-100km/h ដោយប្រើពេលតែ 3.8 វិនាទីប៉ុណ្ណោះ ហើយល្បឿនអតិបរមាគឺ 333 គីឡូម៉ែត្រក្នុងមួយម៉ោង។
(អត្ថបទពាណិជ្ជកម្ម)