ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
ដើម្បីទទួលបាននូវរបបអាហារសុខភាពល្អ អ្នកគួរកុំភ្លេចរួមបញ្ចូលសាច់គ្មានខ្លាញ់ផង។ ថាតើរាងកាយទទួលបានអត្ថប្រយោជន៍អ្វីខ្លះពីការទទួលទានសាច់គ្មានខ្លាញ់? 
ខាងក្រោមនេះយើង នឹងបង្ហាញអោយដឹងពីផលល្អៗនៃសាច់គ្មានខ្លាញ់ ៖
១. ពន្លឿនការដុតរំលាយអាហារក្នុងរាងកាយ
ធ្លាប់ដឹងទេថាការទទួលទានសាច់គ្មានខ្លាញ់ក៏អាចពន្លឿនការដុតរំលាយអាហារបានយ៉ាងប្រសើរផងដែរ? នេះក៏ព្រោះតែសាច់គ្មានខ្លាញ់មានផ្ទុកប្រូតេអ៊ីនខ្ពស់។ ហើយការទទួលទានអាហារមានផ្ទុកប្រូតេអ៊ីនខ្ពស់ជួយដុតបំផ្លាញកាឡូរីបានច្រើនជាងការទទួលទានអាហារមានផ្ទុកកាបូអ៊ីដ្រាតខ្ពស់។
២. មានផ្ទុកជាតិដែកខ្ពស់
ជាតិដែកដើរតួនាទីយ៉ាងសំខាន់ក្នុងការជួយថែរក្សានិងបង្កើនការផលិតកោសិកាគ្រាប់ឈាមក្រហម ក៏ដូចជាជំរុញការបញ្ជូនអុកស៊ីសែនតាមរយៈឈាម។ ទោះជាយ៉ាងណាដើម្បីជាការប្រសើរ អ្នកគួរទទួលទានសាច់លាយជាមួយនឹងបន្លែបៃតងផ្សេងៗ។ ការទទួលទានសាច់គ្មានខ្លាញ់ក៏ផ្ដល់អោយរាងកាយនូវប្រូតេអ៊ីន ម៉ាញ៉េស្យូម ផូស្វ័រ ស័ង្កសី វីតាមីន B1 b6 និងវីតាមីន B12 ផងដែរ។
៣. មានផ្ទុកជាតិខ្លាញ់ឆ្អែតទាប
ខ្លាញ់ឆ្អែត Saturated ជាខ្លាញ់មួយប្រភេទដែលអ្នកមិនគួរទទួលទានច្រើនពេកឡើយខណៈដែលវាអាចជះឥទ្ធិពលអវិជ្ជមានគួរឱ្យបារម្ភចំពោះសុខភាព។
៤. ក្រចករឹងមាំនិងសក់ស្រស់ស្អាត
នេះក៏ព្រោះតែសាច់គ្មានខ្លាញ់ជាប្រភពដ៏ប្រសើរនៃប្រូតេអ៊ីនដែលផ្ដល់ឱ្យសក់និងក្រចកនូវសារធាតុចិញ្ចឹមចាំបាច់ដើម្បីរក្សាបាននូវសុខភាពល្អរឹងមាំ។
៥. ល្អសម្រាប់អ្នកមានបញ្ហាលំពែង
សាច់គ្មានខ្លាញ់ជួយផ្ដល់ឱ្យអ្នកដែលមានបញ្ហាលំពែងនូវជាតិប្រូតេអ៊ីនចាំបាច់។
៦. ល្អសម្រាប់ស្ត្រីមានផ្ទៃពោះ
សាច់គ្មានខ្លាញ់ជាប្រភពដ៏ប្រសើរនៃជាតិប្រូតេអ៊ីនគុណភាពខ្ពស់។ លើសពីនេះទៅទៀតសាច់ប្រភេទនេះមានផ្ទុកសម្បូរទៅដោយជាតិដែកដែលរាងកាយត្រូវការចាំបាច់កំឡុងពេលមានផ្ទៃពោះ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
