អ៊ីរ៉ាក់ មានករណីស្លាប់ដំបូងដែលកើតលើអាចារ្យសាសនាវ័យ៦៣ឆ្នាំម្នាក់

COVID-19

អន្តរជាតិ

អ៊ីរ៉ាក់ មានករណីស្លាប់ដំបូងដែលកើតលើអាចារ្យសាសនាវ័យ៦៣ឆ្នាំម្នាក់

04, Mar 2020 , 4:22 pm

រូបភាព

រូបភាព Xinhua

ដោយ: ធៀន ភារិន្ទ

អ៊ីរ៉ាក់ នាថ្ងៃទី៤ ខែមីនា រកឃើញករណីស្លាប់ដោយសារCOVID-19 ជាលើកដំបូង។ ជនរងគ្រោះគឺជាអាចារ្យម្នាក់ វ័យ៦៣ឆ្នាំ បានទទួលមរណភាព បន្ទាប់ពីបញ្ជូនទៅដល់មន្ទីពេទ្យ។

អាចារ្យមួយរូប នៅក្នុងព្រះវិហារមួយកន្លែងក្នុងខេត្ត Sulaymaniyah បានឆ្លងកូរ៉ូណាវីរុស ដែលបណ្តាលឲ្យស្ថានភាពសុខភាពមិនល្អប្រសើរឡើយ។ បើតាមអ្នកនាំពាក្យសុខាភិបាលខេត្ត Sulaymaniyah អ្នកជំងឺរូបនេះ ត្រូវការពិនិត្យព្យាបាលយ៉ាងយកចិត្តទុកដាក់ជាទីបំផុត។

តាមរយៈសេចក្តីថ្លែងការណ៍ពិសេសមួយ អាចារ្យវ័យ ៦៣ឆ្នាំបានទទួលមរណភាព ដោយសារCOVID-19 បន្ទាប់ពីបញ្ជូនទៅដល់ន្ទីរពេទ្យ។ នេះបើតាមការចុះផ្សាយរបស់ទីភ្នាក់ងារព័ត៌មាន AFP។

សូមបញ្ជាក់ថា អ៊ីរ៉ាក់ គិតមកត្រឹមពេលនេះ បានរកឃើញករណីCOVID-19 ចំនួន ៣២ករណី និង ស្លាប់១ករណីដំបូង៕