COVID-19
អន្តរជាតិ
COVID-19៖ UK មានជាង៥០ករណីនៅអង់គ្លេស វេលស៍ អៀរឡង់ខាងជើង ស្កុតឡែន និងហ្ស៊ីប្រាល់តា នាយករដ្ឋមន្រ្តីអង់គ្លេស លោក Boris Jonhson។ រូបភាព៖ PA
× ប្រទេសនៅចក្រភពអង់គ្លេស (United Kingdom) រួមមានអង់គ្លេស វេលស៍ អៀរឡង់ខាងជើង ស្កុតឡែន រួមទាំង ហ្ស៊ីប្រាល់តា ដែលជាដែនដីឯនាយសមុទ្រ បានប្រកាសពីការរកឃើញករណីឆ្លងកូរ៉ូណាវីរុសប្រភេទថ្មី (COVID-19) ដោយមានសរុប៥៣ករណីហើយ។
ក្នុងចំណោម៥៣ករណីនេះ ចក្រភពអង់គ្លេស បានព្យាបាលឲ្យជាសះស្បើយចំនួន ៨ករណី ខណៈពេលប្រទេសមួយនេះ មិនទាន់មានករណីស្លាប់នៅឡើយទេ។ បើតាមតួលេខ ៥៣ករណីរបស់ចក្រភពអង់គ្លេសនេះ ភាគច្រើនបំផុតស្ថិតក្នុងប្រទេសអង់គ្លេស ដោយក្រៅពីនេះ មានស្កុតឡែន៣ករណី វេលស៍១ករណី អៀរឡង់ខាងជើង១ករណី និងដែនដីនាយសមុទ្រ ហ្ស៊ីប្រាល់តា ១ករណី។
ពាក់ព័ន្ធនឹងការរកឃើញCOVID-19 ជាបន្តបន្ទាប់បែបនេះ លោកនាយករដ្ឋមន្ត្រីអង់គ្លេស នាថ្ងៃទី១ ខែមីនា បានព្រមានថា ករណីឆ្លងកូរ៉ូណាវីរុស នឹងកើនឡើងបន្ថែមទៀតនៅក្នុងប្រទេសមួយនេះ។ បើសិនគ្មានការប្រែប្រួលទេ លោកនាយករដ្ឋមន្ត្រី នឹងកោះប្រជុំរដ្ឋាភិបាលជាបន្ទាន់នៅថ្ងៃទី២ ខែមីនា ដើម្បីស្វែងរកយុទ្ធសាស្ត្រល្អៗ ក្នុងការដោះស្រាយ និងទប់ស្កាត់ការរីកសាយភាយកូរ៉ូណាវីរុស។
ក្នុងរយៈពេលជាងពីរខែកន្លងមកនេះ COVID-19 មិនត្រឹមតែអុកឡុកនៅក្នុងប្រទេសចិនប៉ុណ្ណោះទេ ប៉ុន្តែបានរាតត្បាតទៅប្រទេសជាច្រើនទផត។ អឺរ៉ុបក៏ជាទ្វីបមួយដែលកំពុងប្រឈមកូរ៉ូណាវីរុសផងដែរ។ នៅទ្វីបនេះ អ៊ីតាលី គឺជាប្រទេសរងគ្រោះជាងគេ ខណៈតូលេខអ្នកឆ្លងនៅបារាំង អាល្លឺម៉ង់ អេស្ប៉ាញ និងស្វីស កើនឡើងជាបន្តបន្ទាប់៕
Tag:
ចក្រភពអង់គ្លេស
COVID-19
© រក្សាសិទ្ធិដោយ thmeythmey.com