ជាតិ
ស្ត្រីខ្មែរកាន់តែច្រើន មានសក្តានុពលខ្ពស់សម្រាប់ការប្រជែងពានស្ត្រីឆ្នើមប្រចាំអាស៊ីអាគ្នេយ៍
លោកស្រី ម៉ូវ គន្ធា បានពានសហគ្រិនភាពសង្គមឆ្នាំ២០១៩ និងកញ្ញា ឡូរ៉ា ម៉ម បានពានសិល្បៈ និងវប្បធម៌ឆ្នាំ២០១៨។ រូបថត The Women of Future
×![]()
កម្មវិធីស្ត្រីនៃពេលអនាគត (The Women of the Future –WOF) កំពុងក្លាយជាកម្លាំងចលករដ៏សំខាន់មួយក្នុងការលើកកម្ពស់ការប្រកួតប្រជែងផ្នែកសមត្ថភាព និងទេពកោសល្យរបស់ស្ត្រីនៅលើពិភពលោក។ ដោយឡែកនៅតំបន់អាស៊ីអាគ្នេយ៍ នារយៈពេល៣ឆ្នាំកន្លងមកនេះ ស្ត្រីខ្មែរយ៉ាងហោច២៥រូប ត្រូវបានជ្រើសរើសសម្រាប់ការប្រកួតប្រជែង រហូតទទួលបានកិត្តិយសដ៏គួរឲ្យកត់សម្គាល់ផងដែរសម្រាប់ «ពានរង្វាន់ស្ត្រីនៃពេលអនាគតប្រចាំតំបន់អាស៊ីអាគ្នេយ៍» ឬ «Women of the Future Awards South East Asia»។ 
«យើងពិតជាមានចំណាប់អារម្មណ៍ខ្លាំងណាស់ចំពោះគុណភាព សមត្ថភាពរបស់បេក្ខនារី មកពីប្រទេសកម្ពុជា»។ នេះបើតាមការឆ្លើយតបសារតាមអ៊ីម៉ែល ដែលផ្ញើរមកកាន់សារព័ត៌មានថ្មីៗរបស់តំណាងកម្មវិធី The Women of The Future ដែលមានកំណើតចាប់តាំងពីឆ្នាំ២០០៦មក ក្រោមគំនិតផ្តួចផ្តើមរបស់លោកស្រី Pinky Lilani អ្នកនិពន្ធ និងជាអ្នកជំនាញខាងអាហារ និងជាតស៊ូមតិដ៏ល្បីល្បាញនៅចក្រភពអង់គ្លេស។
ពានរង្វាន់ស្ត្រីនៃពេលអនាគត បានចាប់ផ្តើមតាំងពី ឆ្នាំ២០០៦មកផងដែរ ប៉ុន្តែសម្រាប់ក្របខណ្ឌតំបន់អាស៊ីអាគ្នេយ៍ ពាន WOF Awards Southeast Asia ទើបតែចាប់ផ្តើមពីឆ្នាំ២០១៨មក ដោយផ្តល់ឱកាសសម្រាប់ស្ត្រីនៅព្រុយណេ កម្ពុជា ឥណ្ឌូណេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ ទីម័រខាងកើត និងវៀតណាម។
ស្ត្រីនៅតំបន់អាស៊ាន រួមទាំងទីម័រខាងកើតដែលមានចាប់ពី៣៥ឆ្នាំចុះក្រោម អាចចូលរួមប្រកួតប្រជែងសមត្ថភាពរបស់ខ្លួន ដែលក្នុងនោះមានសមត្ថភាព ទេពកោសល្យផ្នែក សិល្បៈ និងវប្បធម៌, មុខជំនួញ, សហគមន៍ និងសេវាសាធារណៈ, សហគ្រិនភាព, បណ្តាញផ្សព្វផ្សាយ និងទំនាក់ទំនង, អាជីព, អចលនទ្រព សំណង់ និងហេដ្ឋារចនាសម្ព័ន្ធ, វិទ្យាសាស្ត្រ បច្ចេកវិទ្យា និងឌីជីថល, សហគ្រិនភាពសង្គម និងជំនាញណែនាំផ្តល់យោបល់ (Mentor)។
កាលពីឆ្នាំ២០១៨ តារាចម្រៀងខ្មែរ-អាមេរិក ឡូរ៉ា ម៉ម បានក្លាយជាម្ចាស់ពានផ្នែក Arts & Culture ខណៈលោកស្រី យឹម រ៉ាដែត នាយិកាមជ្ឈមណ្ឌល Global Art Cambodia ទទួលបានការកោតសរសើរខ្ពស់ (Highly Commended) ផ្នែក Business និងលោកស្រី សូ គន្ធី នាយិកាគ្របគ្រង់ទូទៅ នៃសិប្បកម្មកែច្នៃម្រុំខ្មែរ បានការកោតសរសើរខ្ពស់ផ្នែក Social Entrepreneur។
នៅឆ្នាំ២០១៩ លោកស្រី ម៉ូវ គន្ធា សហស្ថាបនិក និងជាប្រធានគ្រប់គ្រងក្រុមហ៊ុនច្នៃម៉ូដកាត់ដេរ និងលក់សម្លៀកបំពាក់ «តស៊ូ» ក្នុងខេត្តកំពត ដែលឈ្នះពានរង្វាន់ «Social Entrepreneur» ខណៈកញ្ញា Catherine Harry បានការកោតសរសើរខ្ពស់ (Highly Commended) សម្រាប់ពាន Community Spirits and Public Service។
សម្រាប់ឆ្នាំ២០២០នេះ កម្ពុជាមានស្ត្រី៣នាក់ដែលស្ថិតក្នុងវគ្គជម្រុះ ក្នុងនោះមានអ្នកស្រី សុខ មួយហ្គេច ស្ថាបនិកនៃក្រុមហ៊ុន BMK Architects សម្រាប់ពាន Property, Infrastructure and Construction កញ្ញា អាត សុធាវី អ្នកគ្រប់គ្រងកម្មវិធីជាន់ខ្ពស់ផ្នែកនវានុវត្តន៍នៅអង្គការ DAI Global សម្រាប់ពាន Media & Communications និងអ្នកស្រី យូ សុធារី ស្ថាបនិកគេហទំព័រ Next Women Generation សម្រាប់ពាន Community Spirit & Public Service។
សម្រាប់ជ័យលាភីនៅឆ្នាំ២០២០ នឹងត្រូវប្រកាសនាល្ងាចថ្ងៃទី២៥ ខែមិថុនា នាពិធីផ្លូវការមួយនៅសណ្ឋាគារ Hilton Singapore ប្រទេសសិង្ហបុរី៕
«យើងពិតជាមានចំណាប់អារម្មណ៍ខ្លាំងណាស់ចំពោះគុណភាព សមត្ថភាពរបស់បេក្ខនារី មកពីប្រទេសកម្ពុជា»។ នេះបើតាមការឆ្លើយតបសារតាមអ៊ីម៉ែល ដែលផ្ញើរមកកាន់សារព័ត៌មានថ្មីៗរបស់តំណាងកម្មវិធី The Women of The Future ដែលមានកំណើតចាប់តាំងពីឆ្នាំ២០០៦មក ក្រោមគំនិតផ្តួចផ្តើមរបស់លោកស្រី Pinky Lilani អ្នកនិពន្ធ និងជាអ្នកជំនាញខាងអាហារ និងជាតស៊ូមតិដ៏ល្បីល្បាញនៅចក្រភពអង់គ្លេស។
ពានរង្វាន់ស្ត្រីនៃពេលអនាគត បានចាប់ផ្តើមតាំងពី ឆ្នាំ២០០៦មកផងដែរ ប៉ុន្តែសម្រាប់ក្របខណ្ឌតំបន់អាស៊ីអាគ្នេយ៍ ពាន WOF Awards Southeast Asia ទើបតែចាប់ផ្តើមពីឆ្នាំ២០១៨មក ដោយផ្តល់ឱកាសសម្រាប់ស្ត្រីនៅព្រុយណេ កម្ពុជា ឥណ្ឌូណេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ ទីម័រខាងកើត និងវៀតណាម។
ស្ត្រីនៅតំបន់អាស៊ាន រួមទាំងទីម័រខាងកើតដែលមានចាប់ពី៣៥ឆ្នាំចុះក្រោម អាចចូលរួមប្រកួតប្រជែងសមត្ថភាពរបស់ខ្លួន ដែលក្នុងនោះមានសមត្ថភាព ទេពកោសល្យផ្នែក សិល្បៈ និងវប្បធម៌, មុខជំនួញ, សហគមន៍ និងសេវាសាធារណៈ, សហគ្រិនភាព, បណ្តាញផ្សព្វផ្សាយ និងទំនាក់ទំនង, អាជីព, អចលនទ្រព សំណង់ និងហេដ្ឋារចនាសម្ព័ន្ធ, វិទ្យាសាស្ត្រ បច្ចេកវិទ្យា និងឌីជីថល, សហគ្រិនភាពសង្គម និងជំនាញណែនាំផ្តល់យោបល់ (Mentor)។
កាលពីឆ្នាំ២០១៨ តារាចម្រៀងខ្មែរ-អាមេរិក ឡូរ៉ា ម៉ម បានក្លាយជាម្ចាស់ពានផ្នែក Arts & Culture ខណៈលោកស្រី យឹម រ៉ាដែត នាយិកាមជ្ឈមណ្ឌល Global Art Cambodia ទទួលបានការកោតសរសើរខ្ពស់ (Highly Commended) ផ្នែក Business និងលោកស្រី សូ គន្ធី នាយិកាគ្របគ្រង់ទូទៅ នៃសិប្បកម្មកែច្នៃម្រុំខ្មែរ បានការកោតសរសើរខ្ពស់ផ្នែក Social Entrepreneur។
នៅឆ្នាំ២០១៩ លោកស្រី ម៉ូវ គន្ធា សហស្ថាបនិក និងជាប្រធានគ្រប់គ្រងក្រុមហ៊ុនច្នៃម៉ូដកាត់ដេរ និងលក់សម្លៀកបំពាក់ «តស៊ូ» ក្នុងខេត្តកំពត ដែលឈ្នះពានរង្វាន់ «Social Entrepreneur» ខណៈកញ្ញា Catherine Harry បានការកោតសរសើរខ្ពស់ (Highly Commended) សម្រាប់ពាន Community Spirits and Public Service។
សម្រាប់ឆ្នាំ២០២០នេះ កម្ពុជាមានស្ត្រី៣នាក់ដែលស្ថិតក្នុងវគ្គជម្រុះ ក្នុងនោះមានអ្នកស្រី សុខ មួយហ្គេច ស្ថាបនិកនៃក្រុមហ៊ុន BMK Architects សម្រាប់ពាន Property, Infrastructure and Construction កញ្ញា អាត សុធាវី អ្នកគ្រប់គ្រងកម្មវិធីជាន់ខ្ពស់ផ្នែកនវានុវត្តន៍នៅអង្គការ DAI Global សម្រាប់ពាន Media & Communications និងអ្នកស្រី យូ សុធារី ស្ថាបនិកគេហទំព័រ Next Women Generation សម្រាប់ពាន Community Spirit & Public Service។
សម្រាប់ជ័យលាភីនៅឆ្នាំ២០២០ នឹងត្រូវប្រកាសនាល្ងាចថ្ងៃទី២៥ ខែមិថុនា នាពិធីផ្លូវការមួយនៅសណ្ឋាគារ Hilton Singapore ប្រទេសសិង្ហបុរី៕
Tag:
សិទ្ធិនារី
© រក្សាសិទ្ធិដោយ thmeythmey.com
