ម្ចាស់សណ្ឋាគារមួយនៅសៀមរាប ចំណាយជិត៣ឆ្នាំ ជួសជុលឡាន Mercedes បុរាណមួយគ្រឿងឲ្យនៅរក្សារូបរាងដើម

ជាតិ

បទយកការណ៍ / បទសម្ភាសន៍

រថយន្ត

09, Mar 2020 , 8:19 pm

រូបភាព

ដោយ: នាយយ៉ាន

សណ្ឋាគារ វិរតន៍ នៅក្រុងសៀមរាប មានរថយន្ដ MERCEDES-BENZ ប្រភេទ W114 ម៉ូឌែល 280SE ២គ្រឿងពណ៌សំបកឪឡឹក ផលិតឆ្នាំ១៩៧១ មួយគ្រឿង និងពណ៌ខ្មៅ ផលិតឆ្នាំ១៩៦៩ មួយគ្រឿង។

រថយន្ដពណ៌ខ្មៅផលិតឆ្នាំ១៩៦៩នេះហើយ ដែលគេបានចំណាយពេល ២ទៅ៣ឆ្នាំ ក្នុងការជួសជុលវា ដូរគ្រឿង ៨០% ដើម្បីឲ្យរក្សាបាននូវរូបរាងដូចដើម។ បើតាម លោក សាយ សុខរស់ អ្នកគ្រប់គ្រងសណ្ឋាគារ វិរតន៍ គ្រឿងដើមរបស់រថយន្ត MERCEDES-BENZ ប្រភេទ W114 ម៉ូឌែល 280SE នេះនៅសល់តែ សាស៊ី ទ្រង់ទ្រាយ និងតាប្លូ ប៉ុណ្ណោះ។

សូមអញ្ជើញស្តាប់កិច្ចសម្ភាសរវាង នាយ យ៉ាន នៃសារព័ត៌មានថ្មីៗ និងលោក សាយ សុខរស់ អ្នកគ្រប់គ្រងសណ្ឋាគារ វិរតន៍ ខាងក្រោមនេះ៖

រថយន្ដ MERCEDES-BENZ ប្រភេទ W114 ត្រូវបានផលិតអស់ ១ ៨៥២ ០០០ គ្រឿង ពីឆ្នាំ១៩៦៨ ដល់ឆ្នាំ១៩៧៦។ ក្នុងនោះ ម៉ូឌែល 200D ជាម៉ូឌែលខ្សោយជាងគេ ដោយមានកំលាំងក្រោម ២០០០CC។ ក៏ប៉ុន្តែកំលាំងនេះវាល្មំគ្រប់គ្រាន់ដើម្បីជិះល្បឿនអតិបរិមា ១៣០គីឡូម៉ែត្រក្នុងមួយម៉ោង។ ម៉ាស៊ីនប្រើសាំងច្រើន (៨លីត្រក្នុងមួយរយគីឡូម៉ែត្រ) ដោយសាររថយន្ដនេះធ្ងន់ (១៣៣០គីឡូក្រាម)។

ម៉ាក MERCEDES-BENZ ត្រូវបានបង្កើតនៅប្រទេសអាឡឺម៉ង់ នៅអំឡុងឆ្នាំ១៩២៦។ គឺជាកម្មសិទ្ធិរបស់ក្រុមហ៊ុន DAIMLER៕