COVID-19
អន្តរជាតិ
ឃើញដុនដាបខ្លាំង ចិនបានបញ្ជូនអ្នកជំនាញជំងឺឆ្លងទៅជួយអ៊ីតាលីដើម្បីទប់ស្កាត់ COVID-19
លោករដ្ឋមន្រ្តីការបរទេសចិន វ៉ាង យី។ រូបភាព៖ AFP
×![]()
ដោយ: ធៀន ភារិន្ទ
ចិន កាលពីថ្ងៃទី១១ ខែមីនា បានបញ្ជូនអ្នកជំនាញវេជ្ជសាស្ត្រ និងជំងឺឆ្លងទៅអ៊ីតាលី ដើម្បីជួយទប់ស្កាត់ការរីកសាយនៃ COVID-19 ។ ការបញ្ជូននេះធ្វើឡើង បន្ទាប់ពីករណីឆ្លងនៅអ៊ីតាលីកើនឡើងយ៉ាងគំហុក។ 
នៅតំបន់អឺរ៉ុប អ៊ីតាលីគឺជាប្រទេសរងគ្រោះខ្លាំងជាងគេដោយសារ COVID-19។ គ្រាន់តែថ្ងៃទី១០ ខែមីនា អ៊ីតាលីមានករណីឆ្លងជិត ១ពាន់ករណី និងអ្នកស្លាប់ ១៦៨ករណី។ តួលេខសរុបទាំងអស់ អ៊ីតាលីមានលើសពី ១ម៉ឺនករណី អ្នកស្លាប់ ៦៣១ករណី និងអ្នកជាសះស្បើយជាង១ពាន់ករណី។
ដើម្បីជួយអ៊ីតាលីក្នុងការទប់ស្កាត់បញ្ហាឆ្លងបែបនេះ ចិន បានបញ្ជូនក្រុមអ្នកជំនាញវេជ្ជសាស្ត្រ និងជំងឺឆ្លងមួយចំនួន។ បើតាមការចុះផ្សាយរបស់ទូរទស្សន៍ចិន CGTN អនុប្រធានកាកបាទក្រហមចិន នឹងដឹកនាំ ក្រុមអ្នកជំនាញវេជ្ជសាស្ត្រ និងអ្នកជំនាញពីមជ្ឈមណ្ឌលទប់ស្កាត់ និងបង្ការជំងឺឆ្លងទៅអ៊ីតាលី។
ការបញ្ជូនអ្នកជំនាញវេជ្ជសាស្ត្រទៅអ៊ីតាលីនេះ ធ្វើឡើងបន្ទាប់ពីលោក វ៉ាង យី រដ្ឋមន្ត្រីការបរទេសចិន បានបញ្ជាក់ប្រាប់សមភាគីអ៊ីតាលី Luigi Di Maio តាមទូរសព្ទថា ចិនមានទឹកចិត្តជួយអ៊ីតាលី ក្នុងការជួយទប់ស្កាត់COVID-19 ប្រសិនអ៊ីតាលីត្រូវការ។
សូមបញ្ជាក់ថា មួយរយៈចុងក្រោយ ចិនបានរកឃើញករណីឆ្លងកូរ៉ូណាវីរុសធ្លាក់ទាបបំផុត។ នៅថ្ងៃទី១១ ខែមីនា ចិនមានករណីឆ្លងត្រឹមតែ ២៤ករណី និងអ្នកស្លាប់ ២២ករណីប៉ុណ្ណោះ។ ជាពិសេសមន្ទីរពេទ្យបណ្តោះអាសន្នចំនួន១៦ នាក្រុងវូហាន ដែលចិនយកមកធ្វើជាកន្លែងសម្រាប់ព្យាបាលអ្នកជំងឺCOVID-19 ក៏បានបិទអស់ដែរ៕
នៅតំបន់អឺរ៉ុប អ៊ីតាលីគឺជាប្រទេសរងគ្រោះខ្លាំងជាងគេដោយសារ COVID-19។ គ្រាន់តែថ្ងៃទី១០ ខែមីនា អ៊ីតាលីមានករណីឆ្លងជិត ១ពាន់ករណី និងអ្នកស្លាប់ ១៦៨ករណី។ តួលេខសរុបទាំងអស់ អ៊ីតាលីមានលើសពី ១ម៉ឺនករណី អ្នកស្លាប់ ៦៣១ករណី និងអ្នកជាសះស្បើយជាង១ពាន់ករណី។
ដើម្បីជួយអ៊ីតាលីក្នុងការទប់ស្កាត់បញ្ហាឆ្លងបែបនេះ ចិន បានបញ្ជូនក្រុមអ្នកជំនាញវេជ្ជសាស្ត្រ និងជំងឺឆ្លងមួយចំនួន។ បើតាមការចុះផ្សាយរបស់ទូរទស្សន៍ចិន CGTN អនុប្រធានកាកបាទក្រហមចិន នឹងដឹកនាំ ក្រុមអ្នកជំនាញវេជ្ជសាស្ត្រ និងអ្នកជំនាញពីមជ្ឈមណ្ឌលទប់ស្កាត់ និងបង្ការជំងឺឆ្លងទៅអ៊ីតាលី។
ការបញ្ជូនអ្នកជំនាញវេជ្ជសាស្ត្រទៅអ៊ីតាលីនេះ ធ្វើឡើងបន្ទាប់ពីលោក វ៉ាង យី រដ្ឋមន្ត្រីការបរទេសចិន បានបញ្ជាក់ប្រាប់សមភាគីអ៊ីតាលី Luigi Di Maio តាមទូរសព្ទថា ចិនមានទឹកចិត្តជួយអ៊ីតាលី ក្នុងការជួយទប់ស្កាត់COVID-19 ប្រសិនអ៊ីតាលីត្រូវការ។
សូមបញ្ជាក់ថា មួយរយៈចុងក្រោយ ចិនបានរកឃើញករណីឆ្លងកូរ៉ូណាវីរុសធ្លាក់ទាបបំផុត។ នៅថ្ងៃទី១១ ខែមីនា ចិនមានករណីឆ្លងត្រឹមតែ ២៤ករណី និងអ្នកស្លាប់ ២២ករណីប៉ុណ្ណោះ។ ជាពិសេសមន្ទីរពេទ្យបណ្តោះអាសន្នចំនួន១៦ នាក្រុងវូហាន ដែលចិនយកមកធ្វើជាកន្លែងសម្រាប់ព្យាបាលអ្នកជំងឺCOVID-19 ក៏បានបិទអស់ដែរ៕
© រក្សាសិទ្ធិដោយ thmeythmey.com
