COVID-19
កីឡាអន្តរជាតិ
អន្តរជាតិ
កម្មវិធីបាល់ទាត់នៅអង់គ្លេស ស្កុតឡែន វេលស៍ និងអៀរឡង់ខាងជើង ផ្អាកដល់ខែមេសា
× ដើម្បីបង្ការការរាលដាល COVID-19 ក្របខណ្ឌបាល់ទាត់កំពូលៗនៅចក្រភពអង់គ្លេស ត្រូវបានផ្អាកការប្រកួតជាបណ្តោះអាសន្នរហូតដល់ថ្ងៃទី៣ ខែមេសា។ ក្របខណ្ឌទាំងនោះ មានដូចជា English Premier League, EFL, Women’s Super League, Women’s Championship រួមទាំងក្របខណ្ឌនៅស្កុតឡែន វេសល៍ និងអៀរឡង់ខាងជើង។
ថ្នាក់ដឹកនាំក្របខណ្ឌ Premier League បានប្រកាសពីការចាប់ដំណើរការឡើងវិញនៅថ្ងៃទី៤ ខែមេសា តែក្នុងលក្ខខណ្ឌដែលសមស្របណាមួយ រីឯជំនួបមិត្តភាពអន្តរជាតិរវាងអង់គ្លេសជាមួយអ៊ីតាលី និងដាណឺម៉ាក ក៏ត្រូវលើកពេលផងដែរ។ ការប្រកួតជម្រុះ Euro 2020 ក៏នឹងត្រូវពិចារណាពន្យាពេលផងដែរ ក្រោយការផ្តល់អនុសាសន៍ពីសហព័ន្ធកីឡាបាល់ទាត់អន្តរជាតិ (FIFA)។
ក្រៅពីបាល់ទាត់ កម្មវិធីកីឡាផ្សេងទៀតដែលត្រូវលើកពេល រួមមាន ម៉ារ៉ាតុន, បាល់ឱប, ប្រណាំងកង់, វាយកូនគោល, Formula 1 ជាដើម។
វិធានការនៅក្របខណ្ឌកីឡាអង់គ្លេស ធ្វើឡើងបន្ទាប់ពីអ្នកចាត់ការទូទៅក្លិប Arsenal លោក Mikel Arteta, ខ្សែប្រយុទ្ធ Chelsea Callum Hidson-Odoi មានលទ្ធផលតេស្តវិជ្ជមាន COVID-19។ ក្លិបនៅអឺរ៉ុបដូចជា Arsenal, Chelsea, Leicester City, Bournemouth, Manchester City, Juventus និង Real Madrid បានតម្រូវឲ្យមន្ត្រី និងកីឡាករមួយចំនួនដាក់ខ្លួនឯងឲ្យនៅដាច់ដោយឡែក៕
© រក្សាសិទ្ធិដោយ thmeythmey.com