COVID-19
ជាតិ
ក្រសួងអប់រំឲ្យសាលានៅភ្នំពេញ និងក្រុងសៀមរាប សម្រាកវិស្សមកាលតូចមុនកាលកំណត់
× ក្រសួងអប់រំ យុវជន និងកីឡា នាថ្ងៃទី១៤ ខែមីនា នេះ បានចេញសេចក្តីប្រកាសព័ត៌មាន ស្តីពីការអនុវត្តវិស្សមកាលតូចមុនកាលកំណត់ សម្រាប់គ្រឹះស្ថានសិក្សាចំណេះទូទៅសាធារណៈ និងឯកជននៅរាជធានីភ្នំពេញ និងក្រុងសៀមរាប ក្រោយការរកឃើញករណីឆ្លង COVID-19 ជាបន្តបន្ទាប់។
ក្រសួងអប់រំ បានបញ្ជាក់ថា ការអនុវត្តវិស្សមកាលតូចមុនកាលកំណត់នេះ គឺចាប់អនុវត្តពីថ្ងៃដែលខ្លួនចេញសេចក្តីប្រកាសព័ត៌មាន។ សម្រាប់គ្រឹះស្ថាន ដែលមិនទាន់បញ្ចប់ការវាយតម្លៃលទ្ធផលពិន្ទុឆមាសទី១ ក្រសួងតម្រូវឲ្យយកលទ្ធផលសិក្សាជាមធ្យមភាគនៃពិន្ទុប្រចាំខែ ចាប់ពីខែធ្នូ ឆ្នាំ២០១៩ ដល់ខែកុម្ភៈ ឆ្នាំ២០២០ ។
ជាមួយគ្នា ក្រសួងស្នើឲ្យមាតាបិតា អាណាព្យាបាលជំរុញឲ្យកូនធ្វើស្វ័យសិក្សា និងចៀសវាងទៅកន្លែងដែលប្រឈមនឹងការឆ្លង ដូចជា កន្លែងហែលទឹកសាធារណៈ កន្លែងហាត់ប្រាណ សួនកុមារ និងកន្លែងផ្សេងទៀត៕
© រក្សាសិទ្ធិដោយ thmeythmey.com