ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
បទយកការណ៍ / បទសម្ភាសន៍
ក្រសួងបរិស្ថាន គ្រោងរៀបចំសួនកេសរកូលនៅភ្នំគូលែន ជាគោលដៅទេសចរណ៍ថ្មីសម្រាប់ខេត្តសៀមរាប
15, Mar 2020 ,
8:29 am
រូបភាព
×
ដោយ:
អុីសា រ៉ហានី (Isa Rohany)
សៀមរាប៖ មជ្ឈមណ្ឌលស្រាវជ្រាវ និងអភិរក្សកេសរកូល សុខ អាន ភ្នំគូលែន គឺជាមជ្ឈមណ្ឌលដំ បូង គេ សម្រាប់ការស្រាវជ្រាវ និងអភិរក្សពូជកេសរកូលព្រៃកម្ពុជា។ បច្ចុប្បន្ន មជ្ឈមណ្ឌលនេះមានពូជកេសរកូលសរុបជាង ១៥០ប្រភេទ ដែលប្រមូលបានពីតំបន់ជុំវិញប្រទេស។ ក្រសួងបរិស្ថាន ដែលជាសេនាធិការរៀបចំទីតាំងនេះមានបំណងធ្វើឱ្យសួនកេសរកូលភ្នំគូលែន ក្លាយជាគោលដៅទេសចរណ៍ថ្មីសម្រាប់ខេត្តសៀមរាប។
ព័ត៌មានពិស្ដារ សូមស្ដាប់បទយកការណ៍ដែលរៀបរៀងដោយ អ្នកនាង អ៊ីសា រ៉ហានី នៃសារព័ត៌មានថ្មីៗ ពីខេត្តសៀមរាបដូចតទៅ៖
មជ្ឈមណ្ឌលស្រាវជ្រាវ និងអភិរក្សកេសរកូល សុខ អាន ភ្នំគូលែន គឺជាឈ្មោះពេញនៃសួនកេសរកូលភ្នំគូលែន ដែលត្រូវបានបង្កើតឡើងក្នុងន័យសម្រាប់សិក្សាស្រាវជ្រាវ និងអភិរក្សពូជកេសរកូលព្រៃកម្ពុជា។ មនុស្សមួយចំនួនធំ បែបស្គាល់អ័រគីដេ ច្រើនជាងពាក្យកេសរកូល។
លោក ស៊ុន គង់ ប្រធានមន្ទីរបរិស្ថានសៀមរាបលើកឡើងថា សួនកេសរកូលត្រូវបានបង្កើតឡើងនៅចុងឆ្នាំ២០១៨ និងបានភ្ជាប់ឈ្មោះជាមួយសម្ដេច សុខ អាន ដើម្បីរំឭកពីកិច្ចការរបស់សម្ដេចក្នុងបុព្វហេតុប្រទេសជាតិ។ សួននេះ មានទីតាំងស្ថិតនៅឃុំត្បែង ស្រុកបន្ទាយស្រី ឬជើងភ្នំគូលែនតែម្ដង។
មកដល់បច្ចុប្បន្ន ពូជកេសរកូលព្រៃ ត្រូវបានប្រមូលពីតំបន់ផ្សេងៗក្នុងប្រទេសកម្ពុជា ដែលសរុបជាង ១៥០ប្រភេទ និងមានជាង២ពាន់ដើម ឬសំណាក។ លោក ស៊ុន គង់ បន្ថែមថា៖«បំណងទី១ ស្រាវជ្រាវ និងកំណត់អត្ដសញ្ញាណនៃកេសរកូលថានៅកម្ពុជាមានប្រភេទអ្វីខ្លះ និងដាក់ឈ្មោះឱ្យវា តាមការប៉ាន់ប្រមាណកេសរកូលនៅខ្មែរមានជាង ៥០០ប្រភេទ។ ការអភិរក្ស គឺមានសារសំខាន់ ព្រោះយល់ថា កេសរកូលមួយចំនួនអាចចេញទៅប្រទេសជិតខាង ឬលក់ក្នុងស្រុក ទៅថ្ងៃអនាគតយើងគ្រោងបន្សុំាពូជវា និងរក្សាទុក ដើម្បីរក្សាកូលដែលជិតផុតពូជ រួមនឹងការអប់រំសម្រាប់អ្នកសិក្សាស្រាវជ្រាវ....»។
ក្រៅពីកិច្ចការនេះ លោក ស៊ុន គង់ បញ្ជាក់ថា ក្រសួងបរិស្ថាន មានគម្រោងរៀបចំសួនកេសរកូលដែលមានផ្ទៃដីប្រមាណ ២ពាន់ហិកតានេះ ទៅជាមជ្ឈមណ្ឌលកម្សាន្តទៅអនាគតផងដែរ។ លោកបញ្ជាក់ថា កម្ពុជាមិនទាន់មានកន្លែងបែបនេះទេ ដូច្នេះទីតាំងនេះ នឹងអាចទាក់ទាញទេសចរ ឱ្យមកកម្សាន្ត ក៏ដូចជាស្វែងយល់ពីប្រភេទកេសរកូល ដែលមានច្រើនប្រភេទ ច្រើនក្លិន។
លោក នេត្រ ភក្ដ្រា រដ្ឋលេខាធិការក្រសួងបរិស្ថាន បានឱ្យដឹងថា សួនកេសរកូល ដែលត្រូវបានបង្កើតនៅពេលនេះ ក៏ដើម្បីផ្សារភ្ជាប់រវាងមនុស្ស និងធម្មជាតិដែរ ពិសេសតំបន់ភ្នំគូលែននេះ មានសក្កានុពលទេសចរណ៍ខ្ពស់។ ដូច្នេះវាជាឱកាសដើម្បីផ្សព្វផ្សាយឱ្យសាធារណជន ដឹងពីប្រភេទពូជកេសរកូលខ្មែរ ក៏ដូចជាយល់ដឹងពីប្រព័ន្ធជីវចម្រុះនានា នៅប្រទេសកម្ពុជា។
បន្ថែមពីនេះ បើតាមការបញ្ជាក់ពីលោក នេត្រ ភក្ដ្រា កន្លងមកក្រសួងបរិស្ថាន សហការជាមួយអគ្គលេខាធិការដ្ឋាននៃក្រុមប្រឹក្សាជាតិប្រកបដោយចីរភាព បានរៀបចំវេទិកាថ្នាក់ជាតិលើកទី១ ស្ដីពីកេសរកូល ក្នុងនោះក៏មានការចូលរួមពីអ្នកជំនាញបរទេសច្រើនរូប ដើម្បីសហការជួយពិនិត្យ រៀបចំបញ្ជីស្នាម និងផ្តល់អត្ដសញ្ញាណដល់កេសរកូលក្នុងបំណងដើម្បីអភិរក្ស និងរក្សាឱ្យបានគង់វង្សទៅថ្ងៃក្រោយ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
កេសរកូល
ភ្នំគូលែន
បរិស្ថាន
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
2 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
3 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
1 សប្តាហ៍
«បុរាណ»និង«បូរាណ» មានអត្ថន័យដូចគ្នា
1 សប្តាហ៍
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
5 ថ្ងៃ
អត្ថបទពេញនិយមបន្ថែម