COVID-19
អន្តរជាតិ
COVID-19 នៅអាស៊ាន៖ ថៃ, ឥណ្ឌូណេស៊ីឡើងជាង១០០ករណី ហ្វីលីពីនស្លាប់១១នាក់
ព្រះសង្ឃថៃមួយអង្គ បាញ់កម្តៅភ្ញៀវទេសចរបរទេសម្នាក់, រូបភាព៖ Reuters
×![]()
ដោយ: ធៀន ភារិន្ទ
នាថ្ងៃអាទិត្យ ទី១៥ ខែមីនា ឥណ្ឌូណេស៊ី និងថៃ បានរកឃើញករណីជំងឺរលាកសួត ដែលបង្កដោយកូរ៉ូណាវីរុស(COVID-19) បន្ថែមទៀត។ ការណ៍នេះ ធ្វើឲ្យឥណ្ឌូណេស៊ី និងថៃបានកើនករណីCOVID-19 សរុបជាង ១០០ករណីរៀងៗខ្លួន។ រីឯហ្វីលីពីន តួលេខអ្នកស្លាប់ឡើងដល់១១នាក់ឯណោះ។
នាតំបន់អាស៊ីអាគ្នេយ៍ បណ្តាសមាជិកអាស៊ានចំនួន ៨ប្រទេស បានរកឃើញCOVID-19 ជាបន្តបន្ទាប់។ ថៃ និងឥណ្ឌូណេស៊ី គឺជាប្រទេសរកឃើញករណីCOVID-19 នៅថ្ងៃទី១៥ ខែមីនា នេះ។
តាមរយៈសន្និសីទកាសែត អ្នកនាំពាក្យរដ្ឋាភិបាល លោកAchmad Yurianto បានប្រកាសថា ឥណ្ឌូណេស៊ីបានរកឃើញករណីឆ្លងCOVID-19 ចំនួន ២១ករណីបន្ថែមទៀត នៅថ្ងៃនេះ។ ក្នុងចំណោមអ្នកជំងឺទាំងនោះ មាន១៩នាក់ មានវត្តមាននៅរដ្ឋធានីហ្សាការតា និង ២នាក់ទៀត នៅភាគកណ្តាល នៃកោះជ្វា (Java)។ ករណីសរុបនៅឥណ្ឌូណេស៊ី បានកើនដល់ ១១៧ករណី ស្លាប់ ៥ករណី និងជាសះស្បើយ ៥ករណី។
ក្នុងថ្ងៃដដែលនេះ នៅប្រទេសថៃឯណោះវិញ អាជ្ញាធរសុខាភិបាល បានរកឃើញអ្នកផ្ទុក COVID-19 ក៏មិនតិចដែរ ពោលគឺមានរហូតដល់ ៣២នាក់។ នេះ គឺជាតួលេខរកឃើញដ៏ច្រើនរបស់ថៃ ចាប់តាំងពីផ្ទុះជំងឺនេះមក។ ករណីសរុប ថៃមានCOVID-19 ១១៤ករណី ស្លាប់មួយករណី និងជាសះស្បើយ ៣៥ករណី។
ម៉ាឡេស៊ី នាំមុខគេក្នុងតំបន់ដែលមានអ្នកឆ្លង២៣៨ករណី (សះស្បើយ៣៥នាក់) បន្ទាប់មកសិង្ហបុរី ដែលមាន២១២ករណី (សះស្បើយ១០៥នាក់)។ ហ្វីលីពីនជាប្រទេសដែលមានករណីស្លាប់ច្រើនជាងក្នុងតំបន់ ពោលគឺឡើងដល់ទៅ១១នាក់ក្នុងចំណោម១១១ករណី ហើយជាសះស្បើយ២ករណី។
វៀតណាមរក្សាតួលេខឆ្លង៥៣ករណី និងសះស្បើយ១៦ករណី ខណៈព្រុយណេមាន៤០ករណី និងកម្ពុជា៧ករណី។ ក្នុងចំណោមបណ្តាសមាជិកអាស៊ានទាំងអស់ មានតែឡាវ និងមីយ៉ាន់ម៉ាប៉ុណ្ណោះ ដែលនៅតែរក្សាកំណត់ត្រាមិនមានករណីCOVID-19 នៅក្នុងប្រទេស៕
នាតំបន់អាស៊ីអាគ្នេយ៍ បណ្តាសមាជិកអាស៊ានចំនួន ៨ប្រទេស បានរកឃើញCOVID-19 ជាបន្តបន្ទាប់។ ថៃ និងឥណ្ឌូណេស៊ី គឺជាប្រទេសរកឃើញករណីCOVID-19 នៅថ្ងៃទី១៥ ខែមីនា នេះ។
តាមរយៈសន្និសីទកាសែត អ្នកនាំពាក្យរដ្ឋាភិបាល លោកAchmad Yurianto បានប្រកាសថា ឥណ្ឌូណេស៊ីបានរកឃើញករណីឆ្លងCOVID-19 ចំនួន ២១ករណីបន្ថែមទៀត នៅថ្ងៃនេះ។ ក្នុងចំណោមអ្នកជំងឺទាំងនោះ មាន១៩នាក់ មានវត្តមាននៅរដ្ឋធានីហ្សាការតា និង ២នាក់ទៀត នៅភាគកណ្តាល នៃកោះជ្វា (Java)។ ករណីសរុបនៅឥណ្ឌូណេស៊ី បានកើនដល់ ១១៧ករណី ស្លាប់ ៥ករណី និងជាសះស្បើយ ៥ករណី។
ក្នុងថ្ងៃដដែលនេះ នៅប្រទេសថៃឯណោះវិញ អាជ្ញាធរសុខាភិបាល បានរកឃើញអ្នកផ្ទុក COVID-19 ក៏មិនតិចដែរ ពោលគឺមានរហូតដល់ ៣២នាក់។ នេះ គឺជាតួលេខរកឃើញដ៏ច្រើនរបស់ថៃ ចាប់តាំងពីផ្ទុះជំងឺនេះមក។ ករណីសរុប ថៃមានCOVID-19 ១១៤ករណី ស្លាប់មួយករណី និងជាសះស្បើយ ៣៥ករណី។
ម៉ាឡេស៊ី នាំមុខគេក្នុងតំបន់ដែលមានអ្នកឆ្លង២៣៨ករណី (សះស្បើយ៣៥នាក់) បន្ទាប់មកសិង្ហបុរី ដែលមាន២១២ករណី (សះស្បើយ១០៥នាក់)។ ហ្វីលីពីនជាប្រទេសដែលមានករណីស្លាប់ច្រើនជាងក្នុងតំបន់ ពោលគឺឡើងដល់ទៅ១១នាក់ក្នុងចំណោម១១១ករណី ហើយជាសះស្បើយ២ករណី។
វៀតណាមរក្សាតួលេខឆ្លង៥៣ករណី និងសះស្បើយ១៦ករណី ខណៈព្រុយណេមាន៤០ករណី និងកម្ពុជា៧ករណី។ ក្នុងចំណោមបណ្តាសមាជិកអាស៊ានទាំងអស់ មានតែឡាវ និងមីយ៉ាន់ម៉ាប៉ុណ្ណោះ ដែលនៅតែរក្សាកំណត់ត្រាមិនមានករណីCOVID-19 នៅក្នុងប្រទេស៕
Tag:
ឥណ្ឌូណេស៊ី
ថៃ
COVID-19
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
