COVID-19
កីឡាអន្តរជាតិ
អន្តរជាតិ
ប្រធានសហព័ន្ធកីឡាបាល់ទាត់ស្វ៊ីស ឆ្លង COVID-19 ក្រោយទៅប្រជុំ UEFA នៅហូឡង់ លោក Dominique Blanc ប្រធានសហព័ន្ធកីឡាបាល់ទាត់ស្វ៊ីស (SFV)
× លោក Dominique Blanc ប្រធានសហព័ន្ធកីឡាបាល់ទាត់ស្វ៊ីស (SFV) ឆ្លង COVID-19 ជាងមួយសប្តាហ៍ប៉ុណ្ណោះ បន្ទាប់ពីលោកទៅចូលរួមកិច្ចប្រជុំមួយរបស់សហព័ន្ធកីឡាបាល់ទាត់អឺរ៉ុប (UEFA)។
គណៈកម្មាធិការប្រតិបត្តិរបស់ UEFA បានបើកកិច្ចប្រជុំមួយកាលពីថ្ងៃទី២ ខែមីនា នៅទីក្រុងនៅ Amsterdam ប្រទេសហូឡង់ ដែលសមាជិកទាំងអស់រួមមានប្រធានសហព័ន្ធកីឡាបាល់ទាត់ក្រូអាស៊ីលោក Davor Suker និងប្រធានក្លិប Paris Saint-Germain លោក Nasser Al-Khelaifi រូមទាំងលោក Blanc ចូលរួមផងដែរ។
លោក Blanc វ័យ ៧០ ឆ្នាំបានទទួលការធ្វើរោគវិនិច្ឆ័យរកឃើញមានជំងឺរលាកសួតបង្កដោយកូរ៉ូណាវីរុសប្រភេទថ្មី នៅថ្ងៃទី១៥ ខែមីនា ហើយលោកត្រូវដាក់ឲ្យនៅដាច់ដោយឡែកនៅឯផ្ទះ ខណៈដែលទីស្នាក់ការកណ្តាល SFV ត្រូវបិទរហូតដល់មានការជូនដំណឹងបន្ថែម។
លោកបានប្រកាសលើវេបសាយផ្លូវការរបស់ SFV ថា មានអារម្មណ៍ និងសុខល្អទេនៅពេលនេះ។ លោកបញ្ជាក់បន្ថែមពីអាការនេះថាដូចជារោគសញ្ញាផ្តាសាយកម្រិតតិចតួចប៉ុណ្ណោះ។ យ៉ាងណាមិញ ការឆ្លងលើលោក Blanc នេះអាចនឹងប្រឈមទៅអ្នកផ្សេងទៀត ដែលចួលរួមប្រជុំ ប៉ុន្តែនៅមិនមានការបង្ហាញថាមានករណីឆ្លងផ្សេងទៀតនៅឡើយ។
គិតត្រឹមថ្ងៃទី១៦ ខែមីនានេះ ស្វ៊ីសមានមានករណីឆ្លង COVID-19 ចំនួន ១៣៥៥នាក់ ស្លាប់១៣នាក់ និងសះស្បើយ៤នាក់៕
Tag:
Dominique Blanc
UEFA
© រក្សាសិទ្ធិដោយ thmeythmey.com