ពីនេះ ពីនោះ
«ខ្មែរឥស្លាម»ឬ«ខ្មែរអ៊ីស្លាម» ឬ«ខ្មែរអ៊ិស្លាម» ត្រូវសរសេរបែបណាទើបត្រូវ?
×![]()
ដោយ: ថ្មីៗ
តាមវចនានុក្រមខ្មែរសម្តេច ជួន ណាត ពាក្យ«អ៊ិស្លាម» ដែលមាននៅក្នុងនិយមន័យនៃពាក្យ«ចាម» ជាពាក្យត្រឹមត្រូវ។ ពាក្យ «អ៊ីស្លាម» ឬ «ឥស្លាម» មិនមែនការបញ្ជាក់ក្នុងវចនានុក្រមឡើយ ប៉ុន្តែជាសំណេរដ៏ពេញនិយម។
ដើមឡើយកាលពីសម័យបុព្វបុរសពីព្រេងនាយដែលកើតនៅប្រទេសចម្ប៉ា គេហៅ«ចាម»ដោយរស់នៅអាស្រ័យក្នុងកម្ពុជរដ្ឋ។ ដល់ក្នុងសម័យសង្គមរាស្ត្រនិយមគេមិនហៅថាចាមទៀតទេ គឺហៅថា ខ្មែរអ៊ិស្លាមវិញ។
សព្វថ្ងៃពាក្យ«ខ្មែរអ៊ិស្លាម» ត្រូវបានគេប្រើប្រាស់ជាទូទៅ សំដៅលើសហគមន៍ចាម ជ្វា និងម៉ាឡេ ដែលកំពុងរស់នៅក្នុងប្រទេសកម្ពុជា។ ពាក្យនេះ ក៏ទំនងជាប្រើដើម្បីជំនួសពាក្យ «មូស្លីម» ដែលមានន័យថា អ្នកដែលគោរពប្រតិបត្តិសាសនាឥស្លាមផងដែរ។
គេបានដឹងជាទូទៅថា ការបង្គាប់ឲ្យប្រើពាក្យខ្មែរឥស្លាមនេះ មានកំណើតក្នុងសម័យសង្គមរាស្ត្រនិយម ក្នុងរាជ្យអតីតព្រះមហាក្សត្រខ្មែរ សម្តេចព្រះនរោត្តម សីហនុ៕
Tag:
ពន្យល់ពាក្យ
© រក្សាសិទ្ធិដោយ thmeythmey.com
