COVID-19
ជាតិ
រូបពីទំព័រហ្វេសប៊ុករបស់លេខាធិការដ្ឋានគណៈសង្ឃនាយក
×![]()
ដោយ: ឡាយ សុភាវតី
ភ្នំពេញ៖ គណៈសង្ឃនាយកកម្ពុជា បានអំពាវនាវដល់ព្រះសង្ឃគ្រប់វត្តអារាម ឱ្យស្វែងយល់ពីជំងឺCOVID-19 និងតាមការដានព័ត៌មាន ដើម្បីផ្សព្វផ្សាយដល់គ្រប់ពុទ្ធបរិស័ទតាមគ្រប់មធ្យោបាយ ។
គណៈសង្ឃនាយកកម្ពុជា បានចេញសង្ឃប្រកាសឱ្យព្រះសង្ឃគ្រប់រូប ត្រូវស្វែងយល់ពីជំងឺCovid-19 តាមរយៈព័ត៌មានផ្សព្វផ្សាយនានារបស់ក្រសួងសុខាភិបាល។ ទន្ទឹមនឹងនេះ ព្រះសង្ឃនិងពុទ្ធបរិស័ទទាំងអស់ ត្រូវមានវិធានការអនាម័យ និងសុវត្ថិភាពចំណីអាហារ ហើយប្រសិនបើមានអ្នកមានអាការក្តៅខ្លួន ក្អក កណ្តាស់ ផ្តាសាយ ហៀរសំបោ ឈឺបំពង់ក ត្រូវតែជួយបញ្ជូនទៅមណ្ឌលសុខភាព។
ជាមួយគ្នាដែរ គ្រប់វត្ដទូទាំងប្រទេស នឹងទូងស្គរសូធ្យព្រះធម៌ នៅថ្ងៃទី២៣ មីនា ឆ្នាំ២០២០ ដើម្បីកំចាត់គ្រោះមហន្តរាយ ដែលពាក់ព័ន្ធនឹងជំងឺCovid-19។ នេះបើតាមគណៈសង្ឃនាយកកម្ពុជា។
កម្ពុជារកឃើញអ្នកផ្ទុកវីរុសCOVID-19 ចំនួន៣៥នាក់ហើយ គិតត្រឹមម៉ោង២រសៀលថ្ងៃទី១៨ មីនានេះ។ ក្នុងចំណោមនោះ ជនជាតិខ្មែរមាន២២នាក់ ម៉ាឡេស៊ី៥នាក់ អង់គ្លេស៣នាក់ បារាំង២នាក់ កាណាដា១នាក់ បែលហ្ស៊ិក១នាក់ និងចិន១នាក់ ដែលជាករណីដំបូង ហើយសះស្បើយ៕
Tag:
Covid-19
ព្រះសង្ឃ
© រក្សាសិទ្ធិដោយ thmeythmey.com
