COVID-19
ពីនេះ ពីនោះ
រូបត្លុក
×![]()
ដោយ: ថ្មីៗ
ដោយសារការរាតត្បាតនៃមេរោគ កូវីដ ១៩ សុធីរ និងសំណាង ក៏ផ្អាកមិនសូវធ្វើដំណើរទៅផឹកកាហ្វេដូចសព្វដងទេ។ តែក្លើទាំងពីរនាក់នៅបន្តទាក់ទងគ្នាតាមទូរសព្ទដដែលដើម្បីតាមដានការវិវត្តស្ថានការណ៍មេរោគ កូវីដ១៩។ ប្រធានបទទំនិញឡើងថ្លៃ និងការលក់របស់ក្លែងក្លាយជារឿងដែលធ្វើឲ្យសុធីរ និង សំណាង ធុញថប់ក្នុងអារម្មណ៍។ 
សំណាង៖ ម៉េចបានជាគេដំឡើងថ្លៃម៉ាស់ និងទឹកអាកុលខ្លាំងម្ល៉េះ អា សុធីរ?
សុធីរ៖ អញឆ្ងល់ដែរហ្នឹង។ អ្នកលក់ដូរមិនត្រូវកេងចំណេញពីស្ថានការណ៍សោកនាដកម្មទេ។ មិនត្រូវចង់មាន ចង់បានខុសរបៀបទេ។ អញនិយាយអ៊ីចឹងត្រូវអត់ អា សំណាង?
សំណាង៖ ត្រូវ១០០ភាគរយ អា សុធីរ។ ដំណាក់កាលនេះ គឺជាពេលវេលាដែលត្រូវចែកគ្នារស់ មិនមែនជាពេលវេលាដែលត្រូវដណ្តើមគ្នារស់ទេ! ជួយគ្នា ជួយគ្នា… គឺមិនមែនកេងប្រវ័ញ្ចពីគ្នាទេលោកព្រះ! អា សុធីរ! អញលឺគេថា ទឹកអាកុលហ្នឹងមិនសុទ្ធទេ ក្លែងក្លាយ ព្រោះ វាអាចគេលាយជាមួយសារធាតុផ្សេងៗ មែនឬទេ?
សុធីរ៖ អញលឺគេថា អ៊ីចឹងដែរ ហើយបើអ៊ីចឹងមែននោះ អ្នកលក់ដូរទាំងនោះ សុទ្ធតែជា«បុគ្គល»អមនុស្សធម៌ ព្រោះ កេងប្រវ័ញ្ចគេដោយប្រើប្រាស់អំពើអយុត្តិធម៌ក្នុងកាលៈទេសៈប្រឈម។ ឈប់បាន ឈប់ទៅលោកព្រះ!
© រក្សាសិទ្ធិដោយ thmeythmey.com
