COVID-19
អន្តរជាតិ
មហាក្សត្រម៉ូណាកូ ព្រះអង្គម្ចាស់ Albert II មានផ្ទុក COVID-19 ព្រះអង្គម្ចាស់ Albert II. រូបភាព៖ Harold Cunningham, Getty Images
× ព្រះអង្គម្ចាស់ នៃបុរីក្សត្រម៉ូណាកូ Albert II ត្រូវបានគេតេស្តរកឃើញថា មានផ្ទុក ជំងឺរលាកសួតដែលបង្កដោយកូរ៉ូណាវីរុស (COVID-19)។ នេះបើតាមសេចក្តីថ្លែងការណ៍របស់ព្រះរាជរាំងម៉ូណាកូ នៅថ្ងៃទី១៩ ខែមីនា។ កន្លងមក លោក Serge Telle ប្រមុខរដ្ឋាភិបាលម៉ូណាកូ ក៏មានលទ្ធផលតេស្តវិជ្ជមានផងដែរ។
ព្រះអង្គម្ចាស់ Albert II ដែលមានព្រះជន្ម ៦៥ព្រះវស្សា ត្រូវបានគេធ្វើតេស្តរកឃើញថាមានផ្ទុក COVID-19 នាដើមសប្តាហ៍នេះ។ មកទល់ពេលនេះ ព្រះរាជសុខភាពរបស់ព្រះអង្គ មិនមានអ្វីគួរឲ្យបារម្ភឡើយ និងត្រូវបានគេពិនិត្យតាមដានយ៉ាងពិសេស។
បើទោះជាព្រះអង្គម្ចាស់Albert II មានCOVID-19 ក៏ពិតមែន ប៉ុន្តែទ្រង់នឹងបំពេញព្រះរាជកិច្ច ពីអាផាតមិន (Apartment)របស់ទ្រង់ និងនៅតែទាក់ទងជាមួយសមាជិករដ្ឋាភិបាលដដែល។ បន្ថែមពីលើនេះ ទ្រង់ក៏បានអំពាវនាវឲ្យប្រជាជនទាំងអស់ ប្រតិបត្តិតាមវិធានការរបស់រដ្ឋាភិបាលផងដែរ ដើម្បីទប់ស្កាត់ និងកាត់បន្ថយករណីឆ្លងនៅក្នុងបុរីក្សត្រ។
គិតត្រឹមពេលនេះ ម៉ូណាកូ មានករណីCOVID-19 សរុបចំនួន ១០ករណី៕
Tag:
ម៉ូណាកូ
COVID-19
© រក្សាសិទ្ធិដោយ thmeythmey.com