COVID-19
អន្តរជាតិ
នាយករដ្ឋមន្រ្តីវៀតណាមNguyen Xuan Phuc (កាន់ញញួរ) និងនាយករដ្ឋមន្រ្តីថៃប្រាយុទ្ធ ចន្ទអូចា, រូបភាព៖ Reuters
×![]()
ដោយ: ធៀន ភារិន្ទ
កិច្ចប្រជុំកំពូលអាស៊ានលើកទី៣៦ ដែលគ្រោងប្រារព្ធឡើងចាប់ពីថ្ងៃទី៦ ដល់ថ្ងៃទី៩ ខែមេសា នឹងត្រូវពន្យាររហូតដល់បញ្ចប់ខែមិថុនា។ បើតាមសេចក្តីប្រកាសរបស់ក្រសួងការបរទេសវៀតណាម នាថ្ងៃទី១៩ ខែមីនា ការលើកពេលនៃកិច្ចប្រជុំនេះ ត្រូវធ្វើឡើងដោយសារតែបារម្ភពីការរីកសាយភាយនៃ ជំងឺរលាកសួត ដែលបង្កដោយកូរ៉ូណាវីរុស (COVID-19) នៅក្នុងតំបន់អាស៊ីអាគ្នេយ៍។
ក្នុងស្ថានភាពCOVID-19 កំពុងតែអុកឡុកនៅក្នុងតំបន់អាស៊ីអាគ្នេយ៍ វៀតណាម ដែលត្រូវធ្វើជាម្ចាស់ផ្ទះនៃកិច្ចប្រជុំអាស៊ានលើកទី ៣៦ បានសម្រេចលើកថ្ងៃប្រជុំទៅពេលក្រោយ។ ជាកិច្ចប្រជុំផ្លាស់ប្តូរវេនគ្នាធ្វើជាម្ចាស់ផ្ទះ កិច្ចប្រជុំអាស៊ាន អាចធ្វើក្រោយខែមិថុនា ឆ្នាំ២០២០វិញ។
បើតាមលិខិតរបស់នាយករដ្ឋមន្ត្រីវៀតណាមNguyen Xuan Phuc ដែលផ្ញើទៅប្រមុខរដ្ឋ និងប្រមុខរដ្ឋាភិបាលអាស៊ាន ការពន្យារពេលនៃកិច្ចប្រជុំអាស៊ានឡើកទី៣៦នេះ គឺដោយសារតែការរាតត្បាតនៃ COVID-19 នៅក្នុងវៀតណាម និងតំបន់អាស៊ីអាគ្នេយ៍។ ម្យ៉ាងទៀត ការពន្យារពេលនេះ ក៏ដើម្បីការពារសុខភាពរបស់ថ្នាក់ដឹកនាំប្រទេសនីមួយៗផងដែរ។ នេះបើតាមការចុះផ្សាយរបស់សារព័ត៌មាន Vietnam News។
មិនត្រឹមតែកិច្ចប្រជុំកំពូលអាស៊ានទេត្រូវពន្យារ ប៉ុន្តែកិច្ចប្រជុំពាក់ព័ន្ធដូចជា អាស៊ាន-នូវែលសេឡង់ ដែលត្រូវធ្វើឡើងនៅទីក្រុង Da Nang ក៏ត្រូវលើកពេលដែរ ព្រមទាំងកិច្ចប្រជុំផ្សេងៗទៀត។
នៅក្នុងតំបន់អាស៊ីអាគ្នេយ៍ COVID-19 កំពុងតែអុកឡុកយ៉ាងខ្លាំង និងត្រូវបានគេរកឃើញជាបន្តបន្ទាប់។ ក្នុងចំណោមបណ្តាសមាជិកអាស៊ានទាំងអស់ ម៉ាឡេស៊ី គឺជាប្រទេសមានករណី COVID-19 ច្រើនជាងគេ ខណៈឥណ្ឌូណេស៊ីមានករណីស្លាប់ច្រើនជាងគេ។ ចំណែកឡាវ និងមីយ៉ាន់ម៉ា នៅតែមិនទាន់មានរបាយការណ៍ COVID-19 នៅក្នុងប្រទេស៕
Tag:
អាស៊ាន
COVID-19
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
