មណ្ឌលសុខភាពចាក់អង្រែ នឹងដាក់ឲ្យអ្នកជំងឺកូវីដ-១៩ សម្រាប់ព្យាបាល

ជាតិ

មណ្ឌលសុខភាពចាក់អង្រែ នឹងដាក់ឲ្យអ្នកជំងឺកូវីដ-១៩ សម្រាប់ព្យាបាល

21, Mar 2020 , 7:59 am

រូបភាព

រូបពីហ្វេសប៊ុក Dr. Huy Rithy

ដោយ: ឡាយ សុភាវតី

ភ្នំពេញ៖ មន្ទីរសុខាភិបាលរាជធានីភ្នំពេញ បានរៀបចំដាក់ឲ្យប្រើប្រាស់មណ្ឌលសុខភាពចាក់អង្រែ សម្រាប់ពិនិត្យ ថែទាំ និងព្យាបាលអ្នកជំងឺកូវីដ-១៩ ជាបណ្ដោះអាស្នន។ នេះបើតាមសេចក្តីជូនព័ត៌មានរបស់មន្ទីរសុខាភិបាលរាជធានីភ្នំពេញ ចេញថ្ងៃទី១៨ ខែមីនា ឆ្នាំ២០២០។

តាមរយៈសេចក្ដីជូនព័ត៌មាន ប្រធានមន្ទីរសុខាភិបាលរាជធានីភ្នំពេញ លោក ងី មានហេង ស្នើឲ្យ ពល រដ្ឋ ទៅប្រើប្រាស់សេវានៅមណ្ឌលសុខភាពស្ទឹងមានជ័យ និងមន្ទីរពេទ្យបង្អែកច្បារអំពៅ ឬក៏មណ្ឌសុខភាពណាមួយដែលនៅជិត ជំនួសមណ្ឌលសុខភាពចាក់អង្រែ ដែលត្រូវប្រើសម្រាប់អ្នកជំងឺកូវីដ-១៩។ ជាមួយគ្នានេះដែរ មន្ទីរសុខាភិបាលរាជធានីភ្នំពេញ អំពាវនាវឲ្យពលរដ្ឋ រក្សាអនាម័យ រួមទាំងបរិភោគចំណីអាហារប្រកបអនាម័យ ដើម្បីចៀសវាងជំងឺឆ្លងផ្សេងៗ។

គួររម្លឹកថា រដ្ឋមន្ត្រីក្រសួងសុខាភិបាល ក៏បានប្រកាសដែរថា យកសណ្ឋាគារលំដាប់ផ្កាយ៥ The Great Duke ធ្វើជាមន្ទីរពេទ្យបណ្តោះអាសន្ន សម្រាប់ដាក់អ្នកមានកូវីដ-១៩។ គិតមកដល់ពេលនេះ កម្ពុជាមានអ្នកឆ្លងវីរុសកូវីដ-១៩ ចំនួន៤៧នាក់ហើយ៕