វីរភាព និងបណ្តាំគ្រូពេទ្យជួរមុខ!

កំណាព្យ

ពីនេះ ពីនោះ

21, Mar 2020 , 1:59 pm

រូបភាព

បទ បថ្យាវត្ត

នាមកងប្រយុទ្ធមិនស្លុតនឹងគ្រាប់ ប្រុងប្រយ័ត្នជាប់បង្ការសត្រូវ

ស្លាប់ឬពិការទោះគ្មានអ្វីប៉ូវ កងទាហានត្រូវនៅឈរជួរមុខ។

វីរុសមកថ្មីក្រញីវាយលុក គ្រូពេទ្យចេញមុខព្យាបាលការពារ

សម្រាលកង្វល់ដល់ជាតិប្រជា ស្ងប់ចិត្តគ្រប់គ្នាពេទ្យពារពាំងហើយ។

ពេទ្យឈរជួរមុខមិនហ៊ានកន្តើយ ចិត្តតាំងតបឆ្លើយវីរុសយប់ថ្ងៃ

ទោះហត់មិនហ៊ានសម្រាន្តដាក់ដៃ ក្រែងរោគចង្រៃចម្រើនឫទ្ធិទ្វេ។

ស៊ូអត់បាយទឹករកនឹករិះរេ យប់ជ្រៅថ្ងៃជ្រេរទ្រាំហត់អត់ស្តី

ស្រាវជ្រាវវិធីព្យាបាលចាស់ថ្មី សង្គ្រោះប្រុសស្រីពីរោគចង្រៃ។

ពេទ្យពាំងជួរមុខរោគលុកយប់ថ្ងៃ មិនមែនកាឡៃឃើញកើតជាក់ស្តែង

ងាយឆ្លងជំងឺព្រឺព្រូចរអែង កាព្យនេះស្មេរតែងទៅតាមចំណាំ។

ចំណារគ្រូពេទ្យគួរតែចងចាំ វីរុសគ្មានថ្នាំពន្យឺតពន្យារ

វិធានមានហើយធ្វើទៅគ្រប់គ្នា ស្អាតគ្រប់វេលាអាហារឆ្អិនល្អ។

ផ្តាសាយ ក្តៅខ្លាំងតាំងក្អកតៗ ទុកយូរមិនល្អដង្ហើមថប់ខ្លី

ទៅពេទ្យប្រញាប់ប្រាប់ទាំងប្រុសស្រី ក្រែងវីរុសថ្មីឆ្លងដោយចៃដន់។

បើវីរុសឆ្លងប្អូនបងកុំស្លន់ គ្រប់ពេទ្យតំបន់អាចព្យាបាលស្បើយ

នេះជាបណ្តាំពេទ្យជួរមុខហើយ រួមគ្នាតបឆ្លើយ Covid-19៕

3 ថ្ងៃ

4 ថ្ងៃ

31 នាទី

2 ថ្ងៃ

6 ថ្ងៃ