«សត្វដំរី»ច្នៃពីរណារយន្តតាំងនៅក្រុងសែនមនោរម្យ តំណាងឲ្យការបញ្ឈប់កាប់បំផ្លាញព្រៃឈើ

ជាតិ

ពីនេះ ពីនោះ

២៥ខេត្ត/រាជធានី

«សត្វដំរី»ច្នៃពីរណារយន្តតាំងនៅក្រុងសែនមនោរម្យ តំណាងឲ្យការបញ្ឈប់កាប់បំផ្លាញព្រៃឈើ

22, Mar 2020 , 2:27 pm

រូបភាព

ដោយ:

មណ្ឌលគិរី៖ រូបសំណាកសត្វដំរីមួយ មានកម្ពស់២.៨០ម៉ែត្រ មានបណ្ដោយប្រវែង៣.១០ម៉ែត្រ និងទទឹងជិត១ម៉ែត្រ ច្នៃពីរណារយន្តនិងគ្រឿងម៉ូតូចំនួន៣០០ ដែលអាជ្ញាធរប្រមូលបានពីបទល្មើសធនជាតិធម្មជាតិ ត្រូវបានដាក់តាំងនៅសួនឧទ្យានសែនមនោរម្យ ក្នុងខេត្តមណ្ឌលគិរី ។ លោក នេត្រ ភក្ត្រា អ្នកនាំពាក្យក្រសួងបរិស្ថាន ធ្លាប់បានឲ្យដឹងថា រូបសំណាកសត្វដំរីនេះ ជាគម្រោងសាងសង់ឡើងដោយជាងនៅខេត្តកំពង់ស្ពឺ ដែលចំណាយពេលសាងសង់៧ខែ និងមានការចូលរួមឧបត្ថម្ភថវិកាពីសប្បុរសជន និងអង្គការដៃគូអភិវឌ្ឍន៍នានាផងដែរ។

ការតាំងបង្ហាញរូបសំណាកសត្វដំរីនៅកណ្តាលក្រុងសែនមនោរម្យនៃខេត្តមណ្ឌលគិរី នេះ លោក នេត្រ ភក្ត្រា ក៏ធ្លាប់បានបញ្ជាក់ថា ក្រសួងមានគោលបំណងចង់ឲ្យសាធារណជនអាចទស្សនាសត្វដំរី ច្នៃពីរណារយន្ត និងគ្រឿងម៉ូតូ ដែលសមត្ថកិច្ចជំនាញដកហូតបានពីបណ្តាស្នាក់ការដែនជម្រកសត្វព្រៃទាំង៥តំបន់ ក្នុងខេត្តមណ្ឌលគិរី។ ក្រសួង ចង់ឲ្យពលរដ្ឋកុំប្រើប្រាស់រណារយន្ត ដែលជាមធ្យោបាយសម្រាប់ប្រព្រឹត្តបទល្មើស និងកាប់រុករានដីព្រៃ ដែលនាំឲ្យបំផ្លាញធនធានធម្មជាតិ ហើយងាកមកអភិរក្សសត្វដំរី ដើម្បីបង្កើនប្រាក់ចំណូលដល់វិស័យទេសចរណ៍ក្នុងខេត្តមណ្ឌលគិរី៕

អត្ថបទទាក់ទង

រណារយន្តដែលរឹបអូសពីបទល្មើសនៅមណ្ឌលគិរី ត្រូវបានច្នៃជារូបសំណាកសត្វដំរី

សូមអញ្ជើញទស្សនាទិដ្ឋភាពនៃរូបសំណាកសត្វដំរី ដែលឆ្នាំពីរណារយន្តនិងគ្រឿងម៉ូតូ ដូចតទៅ៖