លោកយាយ អឿម ករ វ័យ៧៣ឆ្នាំ នៅត្បាញកន្ទេលផ្អាវដែលជារបរប្រពៃណីរបស់អ្នកភូមិ

ជាតិ

បទយកការណ៍ / បទសម្ភាសន៍

លោកយាយ អឿម ករ វ័យ៧៣ឆ្នាំ នៅត្បាញកន្ទេលផ្អាវដែលជារបរប្រពៃណីរបស់អ្នកភូមិ

23, Mar 2020 , 8:59 am

រូបភាព

ដោយ: អុីសា រ៉ហានី (Isa Rohany)

សៀមរាប៖ លោកយាយ អឿម ករ ជាចាស់ទុំមួយរូបរស់នៅភូមិតាប្រុក ឃុំលាងដៃ ស្រុកអង្គរធំ ខេត្តសៀមរាប។ សព្វថ្ងៃលោកយាយប្រកបរបរត្បាញកន្ទេលផ្អាវ ជាការងារដែលលោកយាយធ្លាប់ធ្វើតាំងពីអាយុ៧ឆ្នាំមក។ ការត្បាញកន្ទេលផ្អាវ ជារបរស្នួលសម្រាប់ចាស់ៗនៅភូមិតាប្រុក ដែលអ្នកភូមិនៅទីនេះមានទំនៀមធ្វើតាំងពីបុរាណមក។

ព័ត៌មានលម្អិត សូមស្ដាប់សម្ភាសរវាងអ្នកសារព័ត៌មានថ្មីៗ ជាមួយលោកយាយ អឿម ករ នៅផ្ទះលោកយាយដូចតទៅ

ដ្បិតថាមានវ័យចំណាស់ក៏ពិតមែន តែលោកយាយ អឿម ករ នៅមានសុខភាពរឹងមាំ និងអាចចំណាយពេលដ៏អត់ធ្មត់ អង្គុយត្បាញកន្ទេលផ្អាវ។ លោកយាយ ត្រូវចំណាយពេលយ៉ាងហោចណាស់មួយខែក្នុងការត្បាញកន្ទេលមួយ ឬលឿនជាងនេះតាមទំហំតូចធំ។ ក្នុងកន្ទេលមួយលោកយាយអាចលក់បានចាប់ពីតម្លៃជិត១០ម៉ឺន ទៅជាង១០ម៉ឺនរៀល។ សព្វថ្ងៃអ្នកភូមិតាប្រុក នៅមានតែចាស់ៗប៉ុណ្ណោះដែលប្រកបរបរនេះ ដោយឡែកក្មេងៗពួកគេច្រើនចេញទៅធ្វើការនៅទីក្រុងសៀមរាប៕