Angela Lee ទន្ទឹងរង់ចាំការប្រកួតទល់ Denice Zamboanga
24, Mar 2020 , 9:19 am
រូបភាព
×
អត្ថបទ៖ ស៊ីធី
ក្នុងរយៈពេល១ឆ្នាំនេះ Angela Lee ដែលបានតតាំងនឹង Xiong Jing Nan ពីរដង មកនោះ គ្រោងជួបគូប្រជែងថ្មីនាពេលខាងមុខ។ តម្រុយនេះកើតឡើង បន្ទាប់ពី Denice Zamboanga ទទួលជ័យជម្នះ នៅក្នុងកម្មវិធី ONE: KING OF THE JUNGLE កាលចុងខែ កុម្ភៈ ។
ប្រធាន និងជានាយកប្រតិបត្តិ ONE Championship លោក Chatri Sityodtong បានប្រកាស ភ្លាមៗថា Zamboanga ត្រូវដណ្ដើមខ្សែក្រវាត់ ONE Women’s Atomweight World Title ពី Angela Lee។ កីឡាការិនីវ័យ២៣ ឆ្នាំមកពីហ្វីលីពីនរូបនេះកើនកំណត់ត្រាល្អឥតខ្ចោះ គឺឈ្នះ ៧ លើកមិនដែលចាញ់សោះ រួមទាំងការឈ្នះ២លើកជាប់គ្នានៅសង្វៀន The Home Of Martial Arts។ ជាមួយគ្នានេះ Lee បានទទួលស្គាល់ថា Zamboanga ជាគូប្រជែងដ៏ស្រួច ស្រាល់បំផុតម្នាក់។
លើសពីនេះ “Unstoppable” មិនសូវព្រួយបារម្ភប៉ុន្មានឡើយដើម្បីការពារខ្សែក្រវាត់ World Title ប៉ុន្តែអ្វីដែលសំខាន់ Lee ទទូចឲ្យកីឡាករកីឡាការិនី និងអ្នកគាំទ្រថែ រក្សាខ្លួនឲ្យមាន សុវត្ថិភាព។
ម្ចាស់ខ្សែក្រវាត់ទទូច ONE Women’s Atomweight World Title ទទូចបែបនេះ ៖«ខ្ញុំជឿជាក់ថា អ្នករាល់គ្នាថែសុខភាពឲ្យបានល្អ និងថែអនាម័យជាប្រចាំនាពេលនេះ។ ខ្ញុំសូមបន់ ស្រន់ ឲ្យអ្នកមានជំងឺ កូវីដ-១៩ ឆាប់ជាសះស្បើយ»៕