ជាតិ
បទយកការណ៍ / បទសម្ភាសន៍
វីដេអូ
ចំណេះដឹងពីប្រពៃណី វប្បធម៌ និងការវិវឌ្ឍសង្គម មានសារៈសំខាន់សម្រាប់អ្នកដឹកនាំសម្តែង
× ភ្នំពេញ៖ ចំណេះដឹងទាក់ទងនឹងប្រពៃណី វប្បធម៌ និងការវិវឌ្ឍន៍របស់សង្គមពីមួយជំនាន់ទៅមួយជំនាន់ មានភាពចាំបាច់ណាស់ សម្រាប់អ្នកដឹកនាំបទចម្រៀង ក្រៅតែពីដឹងប្លង់ដឹក ប្លង់ថត និងប្លង់កាត់តជាដើមនោះ។ នេះជាការលើកឡើងរបស់លោក រ៉ាយុទ្ធ ដែលមានពិសោធន៍ដឹកនាំសម្តែង ជិត១០ឆ្នាំមកហើយ។ ការដឹកនាំសម្តែង ក៏មានភាពខុសប្លែកគ្នា រវាងចម្រៀងមនោសញ្ចេតនា បទកន្ទ្រឹម និងបទញ៉ាក់ជាដើម។
ដើម្បីជ្រាបច្បាស់ សូមអញ្ជើញទស្សនាកិច្ចសម្ភាសរវាង លោក ប៉ាន់ បូនី នៃសារព័ត៌មានថ្មីៗ និងលោក រ៉ាយុទ្ធ ដូចតទៅ៖
មានវ័យ៣០ឆ្នាំរូបនេះ លោករ៉ាយុទ្ធ បានប្រឡូកចូលក្នុងអាជីពជាអ្នកដឹកនាំថតបទចម្រៀងប្រមាណ១០ឆ្នាំមកហើយ។ សម្រាប់លោក រ៉ាយុទ្ធ ក្រៅតែពីដឹងប្លង់ដឹក ប្លង់ថត និងប្លង់កាត់តជាដើម អ្នកដឹកនាំបទចម្រៀង ត្រូវមានចំណេះដឹងទាក់ទងនឹងប្រពៃណី វប្បធម៌ និងការវិវឌ្ឍន៍របស់សង្គមពីមួយជំនាន់ទៅមួយជំនាន់ផងដែរ។ ធ្លាប់ដឹកនាំថតចម្រៀងបានខ្ទង់១០០បទ លោករ៉ាយុទ្ធ ថាការដឹកនាំថតបទចម្រៀង មានភាពខុសគ្នា រវាងបទមនោសញ្ចេនា បទញាក់ និងប្រពៃណីខ្មែរ។ សម្រាប់បទមនោសញ្ចេតនា ទាមទារឲ្យអ្នកដឹកនាំស្តាប់បទនោះច្រើនដង និងប្រើប្រាស់ការស្រមើស្រមៃបង្កើតជាសាច់រឿងដែលថ្មី និងប្លែក។ ចំណែកបទញាក់វិញ ត្រូវធ្វើយ៉ាង ឲ្យបទនោះលោតទៅតាមចង្វាក់ភ្លេង។ រីឯបទចម្រៀងចូលឆ្នាំប្រពៃណីខ្មែរ មានដូចជាបទកន្ទ្រឹម គឺត្រូវបង្កើតនូវសាច់រឿងបែបកំប្លែង ដើម្បីអ្នកទស្សនារីករាយទៅតាមចង្វាក់ភ្លេងដែរ។ ក្រៅពីដឹកនាំសម្តែង លោក រ៉ាយុទ្ធ ក៏មានសមត្ថភាពអាចនិពន្ធទំនុកច្រៀង និងបទភ្លេងបានទៀតផង៕
Tag:
ភាសាខ្មែរ
សិល្បៈ
ចម្រៀង
វប្បធម
ប្រពៃណី
ដឹកនាំសម្តែង
© រក្សាសិទ្ធិដោយ thmeythmey.com