COVID-19
ជាតិ
លោក កឹម សុខា ទទួលបានថវិកាសប្បុរសពីខ្មែរនៅបរទេសដើម្បីចូលរួមប្រយុទ្ធប្រឆាំង COVID-19
លោក កឹម សុខា អតីតប្រធានគណបក្សប្រឆាំង នៅតុលាការរាជធានីភ្នំពេញកាលពីថ្ងៃទី២២ ខែមីនា។ រូបថត AFP
×![]()
ដោយ: ថ្មីៗ
លោក កឹម សុខា អតីតមេដឹកនាំបក្សប្រឆាំង ដែលកំពុងជាប់រឿងក្តីនៅតុលាការ បានបញ្ជាក់ឲ្យដឹងតាមរយៈហ្វេសប៊ុករបស់ខ្លួននៅថ្ងៃទី២៤ ខែមីនា នេះ ថា លោក ទទួលបានថវិកាសប្បុរសធម៌ពីពលរដ្ឋខ្មែរនៅក្រៅប្រទេសចំនួន៥០០០ដុល្លារអាមេរិក ដើម្បីចូលរួមប្រយុទ្ធប្រឆាំងការរាលដាល COVID-19 នៅកម្ពុជា។
«ព្រឹកមិញនេះ ខ្ញុំបានប្រគល់ថវិកាសប្បុរសធម៌នេះជូនទៅគណៈកម្មការជាតិប្រយុទ្ធនឹងជំងឺកូវីដ-១៩រួចហើយ»។ នេះជាការបញ្ជាក់របស់លោក កឹម សុខា ដោយកោតសរសើរសន្តានចិត្តចែករំលែក អាណិតស្រឡាញ់ខ្មែរដូចគ្នា ក្នុងគ្រាអាសន្ន បើទោះបីជាពួកគេក៏កំពុងជួបការលំបាករៀងៗខ្លួនក៏ដោយ។
សូមបញ្ជាក់ថា គណៈកម្មការជាតិប្រយុទ្ធនឹងជំងឺកូវីដ-១៩ ដែលដឹកនាំដោយសម្តេចនាយករដ្ឋមន្ត្រី ហ៊ុន សែន ផ្ទាល់ ទទួលបានថវិកាសប្បុរសធម៌ជាបន្តបន្ទាប់ ដោយចាប់តាំងពីព្រះករុណាព្រះមហាក្សត្រ សម្តេចព្រះវររាជមាតាជាតិខ្មែរ រហូតដល់មន្ត្រីជាន់ខ្ពស់ ឧកញ្ញា និងពលរដ្ឋទូទៅ។
បច្ចប្បន្ន កម្ពុជាមានករណីឆ្លង COVID-19 ចំនួន៨៧ករណីដែលក្នុងនោះមាន ខេត្តព្រះសីហនុ ៣៤ករណី (បារាំង៣១ ខែ្មរ២, ចិន១) ភ្នំពេញ ១២ករណី (ខ្មែរ៧, បារាំង៣, បែលហ្ស៊ិក ១, កាណាដា១), កំពង់ចាម១១ករណី (ម៉ាឡេស៊ី៧, អង់គ្លេស៣, ខ្មែរ១), បាត់ដំបង៨ករណី (ខ្មែរ៨), ត្បូងឃ្មុំ ៤ (ខ្មែរ៤), កែប ៤ (ម៉ាឡេស៊ី៣, ខ្មែរ១), កំពង់ឆ្នាំង ៣ (ខ្មែរ៣), បន្ទាយមានជ័យ ២ករណី (ខ្មែរ២), ព្រះវិហារ ២ករណី (ខ្មែរ២), កំពត ២ករណី (ម៉ាឡេស៊ី២), សៀមរាប ២ករណី (ខ្មែរ២),កោះកុង២ករណី (ខ្មែរ២), កណ្តាល ១ករណី (ខ្មែរ១)។
ក្នុងចំណោមនោះ មានខ្មែរ៣៥នាក់ (ស្ត្រី២នាក់), បារាំង៣៤នាក់ (ស្ត្រី១៨នាក់), ម៉ាឡេស៊ី១២នាក់, អង់គ្លេស៣នាក់ (ស្ត្រី២នាក់ ក្នុងនោះ១នាក់សះស្បើយ) កាណាដា១នាក់ បែលហ្ស៊ិក១នាក់ និងចិន១នាក់ដែលសះស្បើយ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
