COVID-19
ជាតិ
អ្នកបើកឡាន និងអ្នកពាក់ព័ន្ធជាមួយក្រុមទេសចរបារាំង ដែលឆ្លងCOVID-19ជាច្រើននាក់ ត្រូវបានធ្វើតេស្ត
លោក ទៀ សីហា អភិបាលខេត្តសៀមរាប
×![]()
សៀមរាប៖ ជនជាតិបារាំងចំនួន៣១នាក់ ត្រូវបានរកឃើញថាមានជំងឺកូវីដ១៩ នាអំឡុងថ្ងៃទី២១ និង២២ ខែមីនា នៅក្រុងព្រះសីហនុ។ មុនទៅដល់ក្រុងព្រះសីហនុ ទេសចរជនជាតិបារាំងទាំងនោះ ក៏បានស្នាក់នៅ៤ថ្ងៃក្នុងខេត្តសៀមរាបផងដែរ។ ភ្លាមៗក្រោយតេស្ដវិជ្ជមានលើជនជាតិបារាំងទាំងនោះ អាជ្ញាធរខេត្តសៀមរាបបានប្រមូលអ្នកពាក់ព័ន្ធ ដែលមានអ្នកបើកឡាន អ្នកបើករ៉ឺម៉កកង់បី និងអ្នកធ្វើការនៅសណ្ឋាគារ មកពិនិត្យសុខភាព។ មកដល់ពេលនេះ ពួកគេទាំងនោះកំពុងរង់ចាំលទ្ធផល ក្រោយសំណាកត្រូវបានបញ្ជូនទៅពិនិត្យនៅវិទ្យាស្ថានប៉ាស្ទ័រ រាជធានីភ្នំពេញ។
អភិបាលខេត្តសៀមរាប លោក ទៀ សីហា ប្រាប់សារព័ត៌មានថ្មីៗតាមទូរសព្ទនៅរសៀលថ្ងៃទី២៤ មីនានេះថា លោកមិនអាចបញ្ជាក់ពីចំនួនមនុស្សដែលពាក់ព័ន្ធពិតប្រាកដទេ ព្រោះអំឡុងពេលស្នាក់នៅខេត្តសៀមរាប ជនជាតិបារាំងទាំងនោះមិនមានរោគសញ្ញា និងអាការៈនៃអ្នកជំងឺកូវីដ១៩។ មកដល់ពេលនេះ មន្ទីរសុខាភិបាលខេត្ត សហការជាមួយស្នងការដ្ឋាននគរបាលខេត្ត បានដុតដៃដុតជើង ស្វែងរកអ្នកពាក់ព័ន្ធដោយផ្ទាល់ និងប្រយោលច្រើននាក់ និងកំពុងចាំមើលលទ្ធផល។ នេះបើតាមការបញ្ជាក់ពីលោកអភិបាលខេត្តសៀមរាប។
សូមស្ដាប់ការលើកឡើងរបស់លោក ទៀ សីហា ក្នុងបទសម្ភាសតាមទូរសព្ទជាមួយអ្នកសារព័ត៌មានប្រចាំខេត្តសៀមរាបដូចតទៅ៖
© រក្សាសិទ្ធិដោយ thmeythmey.com
