COVID-19
អន្តរជាតិ
COVID-19៖ ព្រុយណេ មានករណីស្លាប់ដំបូងដែលធ្លាប់មានប្រវត្តិទៅម៉ាឡេស៊ី និងកម្ពុជា
× ប្រទេស ព្រុយណេ បានរាយការណ៍ពីករណីស្លាប់ដោយសារជំងឺផ្លូវដង្ហើម COVID-19 ដំបូងរបស់ខ្លួន នៅព្រឹកថ្ងៃសៅរ៍ ២៨ ខែមីនា។ ជនរងគ្រោះរូបនេះ ជាបុរសអាយុ ៦៤ឆ្នាំ។
បុរសព្រុយណេដែលទទួលមរណភាពរូបនេះ ពុំធ្លាប់ចូលរួមពិធីសាសនាឥស្លាមនៅទីក្រុង គូឡាឡាំពួ ឡើយ ក៏ប៉ុន្តែមានប្រវត្តិធ្វើដំណើរទៅកាន់ប្រទេសម៉ាឡេស៊ី និងកម្ពុជា។ នេះបើតាមការចុះផ្សាយរបស់ទីភ្នាក់ងារព័ត៌មាន Reuters ។
គិតមកត្រឹមថ្ងៃសៅរ៍នេះ ព្រុយណេ បានរកឃើញករណីឆ្លង COVID-19 ចំនួន ១១៥ករណីហើយ ហើយមួយចំនួននៃអ្នកជំងឺ គឺពាក់ព័ន្ធនឹងពិធីសាសនាឥស្លាមនៅម៉ាឡេស៊ី ។ អាជ្ញាធរអះអាងថា មានមនុស្ស១៦០០០នាក់ចូលរួម។
រដ្ឋាភិបាលព្រុយណេ កាលពីថ្ងៃ១៥ ខែមីនា បានប្រកាសថា ប្រជាជនខ្លួន និងជនបរទេសដែលមានលិខិតស្នាក់នៅក្នុងប្រទេស ត្រូវបានហាមឃាត់ពីការចាកចេញពីប្រទេស ដោយសារជំងឺរាតត្បាតសាកល COVID-19៕
© រក្សាសិទ្ធិដោយ thmeythmey.com