ជាតិ
×![]()
ដោយ: ថ្មីៗ
កម្ពុជា និងបណ្តាប្រទេសនានាលើពិភព នឹងប្រារព្ធ «ទិវា១ម៉ោងសម្រាប់ភពផែនដី» តាមរយៈការបិទភ្លើងជានិមិត្តរូបរយៈពេល១ម៉ោង ចាប់ពីម៉ោង៨កន្លះយប់ ដើម្បីបង្ហាញការប្តេជ្ញាចិត្តក្នុងការចាប់យកឥរិយាបទរស់នៅប្រកបដោយនិរន្តរភាព។
«ទិវា១ម៉ោងសម្រាប់ភពផែនដី» ឬ «Earth Hour» នេះ ប្រព្រឹត្តឡើងស្របពេលពិភពលោកប្រឈមបញ្ហាមួយចំនួនដូចជា ការប្រែប្រួលអាកាសធាតុ ការបាត់បង់ធនធាន ជីវចម្រុះ ការបំពុលបរិស្ថាន ការរិចរិលដី កង្វះខាតទឹក និងហានិភ័យលើសុខភាពមនុស្ស។
ការបិទភ្លើង១ម៉ោង ជានិមិត្តរូបនៃការចូលរួមការពារភពផែនដីឲ្យមានលក្ខណៈប្រសើរឡើង ក្នុងចំណោមវិធីសាស្ត្រដូចជា ការសន្សំសំចៃ និងការកែច្នៃសម្រាប់ប្រើប្រាស់ឡើងវិញ ការកាត់បន្ថយសារធាតុប្លាស្ទិក ការងាកទៅចាប់យកការប្រើប្រាស់ថាមពលកកើតឡើងវិញ ក៏ដូចជាកំណត់វិធានការដើម្បី កាត់បន្ថយកម្រិតកាបូន ជាដើម។
អង្គការ WWF កម្ពុជា បានលើកឡើងក្នុងសេចក្តីប្រកាសព័ត៌មានរបស់ខ្លួនថា ទិវា១ម៉ោងសម្រាប់ភពផែនដីផ្តល់ឱកាសឲ្យសាមញ្ញជនគ្រប់រូប ដើម្បីបង្ហាញនូវក្តីស្រលាញ់របស់ពួកគេចំពោះបរិស្ថាន និងធម្មជាតិ ព្រមទាំងប្តេជ្ញាចិត្តចាប់យកសកម្មភាពនានាដែលនាំឲ្យមានការផ្លាស់ប្តូរជាវិជ្ជមានក្នុងការរស់នៅប្រចាំថ្ងៃ សម្រាប់ជាការរួមចំណែកដល់សង្គមមួយប្រកបដោយនិរន្តរភាព។
បើតាមលោក សេង ទៀក នាយកអង្គការ WWF ប្រចាំកម្ពុជា៖ «បន្ទាប់ពីការបង្ហាញឆន្ទៈដោយការបិទភ្លើង ១ម៉ោងនេះរួច យើងខ្ញុំសូមស្នើយ៉ាងទទូចដល់ប្រជាជនទាំងអស់ឲ្យបន្តធ្វើសកម្មភាពវិជ្ជមានសម្រាប់ភពផែនដី និងបង្កើន ការសន្ទនា និងពិភាក្សាឲ្យបានទូលំទូលាយអំពីវិធីសាស្ត្រអនុវត្តល្អៗ ដែលយើងទាំងអស់គ្នាអាចធ្វើបានជាប្រចាំថ្ងៃ»។
«ចូរយើងរួមគ្នាកសាងជំនាន់របស់យើងសម្រាប់គាំទ្រដល់ការផ្លាស់ប្តូរជាវិជ្ជមាន ដើម្បីជួយការពារបរិស្ថាន និងធនធានធម្មជាតិសម្រាប់អនាគតប្រកបដោយនិរន្តរភាពរបស់យើង»។ នេះជាសំណូមពររបស់កញ្ញា សួន ស្រីដែត និស្សិត នៃមហាវិទ្យាល័យប្រព័ន្ធផ្សព្វផ្សាយនិងសារគមនាគមន៍ នៃសាកលវិទ្យាល័យភូមិន្ទភ្នំពេញ។
Hashtags ដែលបង្ហាញពីការចូលរួមក្នុងទិវានេះ គឺ #EarthHourCambodia, #Connect2Earth #VoiceForThePlanet ៕
«ទិវា១ម៉ោងសម្រាប់ភពផែនដី» ឬ «Earth Hour» នេះ ប្រព្រឹត្តឡើងស្របពេលពិភពលោកប្រឈមបញ្ហាមួយចំនួនដូចជា ការប្រែប្រួលអាកាសធាតុ ការបាត់បង់ធនធាន ជីវចម្រុះ ការបំពុលបរិស្ថាន ការរិចរិលដី កង្វះខាតទឹក និងហានិភ័យលើសុខភាពមនុស្ស។
ការបិទភ្លើង១ម៉ោង ជានិមិត្តរូបនៃការចូលរួមការពារភពផែនដីឲ្យមានលក្ខណៈប្រសើរឡើង ក្នុងចំណោមវិធីសាស្ត្រដូចជា ការសន្សំសំចៃ និងការកែច្នៃសម្រាប់ប្រើប្រាស់ឡើងវិញ ការកាត់បន្ថយសារធាតុប្លាស្ទិក ការងាកទៅចាប់យកការប្រើប្រាស់ថាមពលកកើតឡើងវិញ ក៏ដូចជាកំណត់វិធានការដើម្បី កាត់បន្ថយកម្រិតកាបូន ជាដើម។
អង្គការ WWF កម្ពុជា បានលើកឡើងក្នុងសេចក្តីប្រកាសព័ត៌មានរបស់ខ្លួនថា ទិវា១ម៉ោងសម្រាប់ភពផែនដីផ្តល់ឱកាសឲ្យសាមញ្ញជនគ្រប់រូប ដើម្បីបង្ហាញនូវក្តីស្រលាញ់របស់ពួកគេចំពោះបរិស្ថាន និងធម្មជាតិ ព្រមទាំងប្តេជ្ញាចិត្តចាប់យកសកម្មភាពនានាដែលនាំឲ្យមានការផ្លាស់ប្តូរជាវិជ្ជមានក្នុងការរស់នៅប្រចាំថ្ងៃ សម្រាប់ជាការរួមចំណែកដល់សង្គមមួយប្រកបដោយនិរន្តរភាព។
បើតាមលោក សេង ទៀក នាយកអង្គការ WWF ប្រចាំកម្ពុជា៖ «បន្ទាប់ពីការបង្ហាញឆន្ទៈដោយការបិទភ្លើង ១ម៉ោងនេះរួច យើងខ្ញុំសូមស្នើយ៉ាងទទូចដល់ប្រជាជនទាំងអស់ឲ្យបន្តធ្វើសកម្មភាពវិជ្ជមានសម្រាប់ភពផែនដី និងបង្កើន ការសន្ទនា និងពិភាក្សាឲ្យបានទូលំទូលាយអំពីវិធីសាស្ត្រអនុវត្តល្អៗ ដែលយើងទាំងអស់គ្នាអាចធ្វើបានជាប្រចាំថ្ងៃ»។
«ចូរយើងរួមគ្នាកសាងជំនាន់របស់យើងសម្រាប់គាំទ្រដល់ការផ្លាស់ប្តូរជាវិជ្ជមាន ដើម្បីជួយការពារបរិស្ថាន និងធនធានធម្មជាតិសម្រាប់អនាគតប្រកបដោយនិរន្តរភាពរបស់យើង»។ នេះជាសំណូមពររបស់កញ្ញា សួន ស្រីដែត និស្សិត នៃមហាវិទ្យាល័យប្រព័ន្ធផ្សព្វផ្សាយនិងសារគមនាគមន៍ នៃសាកលវិទ្យាល័យភូមិន្ទភ្នំពេញ។
Hashtags ដែលបង្ហាញពីការចូលរួមក្នុងទិវានេះ គឺ #EarthHourCambodia, #Connect2Earth #VoiceForThePlanet ៕
© រក្សាសិទ្ធិដោយ thmeythmey.com
