COVID-19
អន្តរជាតិ
ថៃ រកឃើញ COVID-19 ជាង១០០ករណីបន្ថែម និងស្លាប់ម្នាក់ទៀត
× ប្រទេស ថៃ បានរាយការណ៍ករណីឆ្លងជំងឺផ្លូវដង្ហើម COVID-19 ថ្មី ចំនួន ១០៩នាក់ និងអ្នកស្លាប់ម្នាក់ទៀត។ បូកតួលេខថ្មីនេះ ករណីឆ្លងក្នុងប្រទេសថៃសរុបឡើងដល់ ១២៤៥ករណីហើយ ក្នុងនោះ អ្នកជាសះស្បើយមាន៩៧នាក់ ។ នេះបើតាមអាជ្ញាធរសុខាភិបាលថៃ បញ្ជាក់នៅរសៀលថ្ងៃសៅរ៍ ទី២៨ ខែមីនា ដោយដកស្រង់ចុះផ្សាយដោយទីភ្នាក់ងារព័ត៌មាន Reuters ។
បើតាមប្រភពព័ត៌មានដដែល អ្នកស្លាប់ជនជាតិថៃថ្មីនេះ គឺជាអ្នកជំងឺដែលមានបញ្ហាសុខភាពរ៉ាំរ៉ៃ ដែលធ្វើឲ្យតួលេខអ្នកស្លាប់សរុបក្នុងប្រទេសនេះ ឡើងដល់៦នាក់ហើយ។ យ៉ាងណាមិញ អាជ្ញាធរពុំបានបញ្ជាក់ពីអាយុ ភេទ ឬអត្តសញ្ញាណច្បាស់លាស់របស់ជនរងគ្រោះនេះឡើយ។
រដ្ឋាភិបាលថៃ កាលពីថ្ងៃសុក្រ ២៧ ខែមីនា បានដាក់ចេញបទបញ្ជាបិទទីតាំងសាធារណៈបន្ថែម និងទីតាំងអាជីវកម្មមិនចាំបាច់ដើម្បីទប់ស្កាត់ការរីករាលដាលនៃ COVID-19 ។ ទន្ទឹមនេះ រដ្ឋាភិបាលថៃ ក៏បានលើកពេលបើកដំណើរឡើងវិញរហូតដល់ចុងខែមេសាផងដែរ៕
© រក្សាសិទ្ធិដោយ thmeythmey.com