COVID-19
ជាតិ
សង្គមជាតិ
យុទ្ធនាការផ្សព្វផ្សាយពី វិធីការពារជំងឺកូវីដ-១៩នៅសង្កាត់ផ្សារដើមថ្កូវ
× អាជ្ញាធរមូលដ្ឋាន បានធ្វើយុទ្ធនាការផ្សព្វផ្សាយពី វិធីការពារជំងឺកូវីដ-១៩ ជាបន្តបន្ទាប់ ចាប់តាំងពីរសៀលថ្ងៃទី២៤ ខែមីនាមក។ ចំណែក ក្រុមរដ្ឋបាលសង្កាត់ផ្សារដើមថ្កូវ បានចាប់ផ្តើមយុទ្ធនាការនេះដែរ ដោយចាប់ផ្តើមពីផ្លូវ៥០៨ រហូតដល់ផ្លូវ២៧១ ស្ថិតនៅសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
សូមអញ្ជើញទស្សនាវីដេអូ៖
ក្រុមមន្ត្រីដែលមានគ្នា៦នាក់ បានធ្វើដំណើរតាមរថយន្ត១គ្រឿង អមដោយការបំពងសំឡេងតាមមេក្រូ និងធុងបាស់ បានផ្សព្វផ្សាយពីរបៀបបង្ការជំងឺកូវីដ-១៩ ក្នុងនោះរួមមាន៖ លាងដៃឲ្យបានញឹកញាប់ជាមួយសាប៊ូ និងទឹកអាល់កុល, បរិភោគអាហារដែលចម្អិនបានឆ្អិនល្អ, ស្វាគមន៍ដោយសំពះជំនួសការចាប់ដៃ ,អ្នកដែលមានជំងឺគ្រុនក្តៅ ផ្តាសាយ ជៀសវាងប៉ះពាល់ច្រមុះ ឬមាត់ ប្រសិនបើបងប្អូនមានចំណុចសង្ស័យខុសពីធម្មតាសូមទូរសព្ទទៅលេខ១១៥។ យុទ្ធនាការធ្វើឡើងបន្ទាប់ពីសម្តេច ស ខេង រដ្ឋមន្ត្រីក្រសួងមហាផ្ទៃបានប្រកាសឲ្យអាជ្ញាធរចូលរួមផ្សព្វផ្សាយទប់ស្កាត់ជំងឺកូវីដ១៩នេះ៕
© រក្សាសិទ្ធិដោយ thmeythmey.com