ជាតិ
ពីនេះ ពីនោះ / មិនយល់...!
២៥ខេត្ត/រាជធានី
តូបលក់កង្កែបបោបតាមផ្លូវជាតិលេខ២ ឆ្ពោះទៅភ្នំតាម៉ៅ ប្រែជាស្ងប់ស្ងាត់
×![]()
តាកែវ៖ តាមបណ្តោយផ្លូវជាតិលេខ២ ដែលរដ្ឋាភិបាលកំពុងពង្រីកផ្លូវ បានប៉ះពាល់ដល់ការលក់ដូរប្រចាំថ្ងៃរបស់ប្រជាពលរដ្ឋមួយចំនួនរួចទៅហើយ។ ប៉ុន្តែ ក្រោយករណីរាលដាលជំងឺកូវីដ-១៩ កាន់តែច្រើន បានប៉ះពាល់មួយកម្រិតទៀតដល់អ្នកប្រកបមុខរបរលក់កង្កែបបោបនិងតាឡនត តាមតូបតូចៗជាហូរហែនៅម្តុំផ្លូវទៅភ្នំតាម៉ៅ ដែលមានចម្ងាយប្រមាណ៣៥គីឡូម៉ែត្រពីរាជធានីភ្នំពេញ។ អ្នកស្រី ថុង អូន ដែលលក់កង្កែបបោប និងតាឡនតន នៅទីនោះអស់រយៈពេល៥ឆ្នាំមកហើយ បានប្រាប់ Thmeythmey25 ថា អ្នកដែលតែងតែចូលទិញកង្កែបបោប ឬតាឡនតននៅតូបអ្នកស្រី គឺភ្ញៀវទេសចរដែលពួកគាត់ទៅលេងភ្នំតាម៉ៅ តែឥឡូវលេងមានទៀតហើយ។ អ្នកទិញរាល់ថ្ងៃ គឺមានតែអ្នកធ្វើដំណើរឆ្លងកាត់ទីនេះមួយៗប៉ុណ្ណោះ។ អ្នកស្រី អូន ដែលកំពុងអង្គុយអាំងកង្កែបនៅនឹងតូប បានបញ្ជាក់ថា អ្នកស្រីបាត់បង់ចំណូលរហូតដល់ទៅជាងពាក់កណ្តាល នៃចំណូលដែលអ្នកស្រីលក់បានប្រចាំថ្ងៃ ក្រោយមានករណីរាលដាល់ជំងឺកូវីដ-១៩ នេះ៕
សូមអញ្ជើញទស្សនាទិដ្ឋភាពដ៏ស្ងប់ស្ងាត់នៅតាមតូបលក់កង្កែបបោក តាមបណ្តោយផ្លូវជាតិលេខ២ ម្តុំផ្លូវទៅភ្នំតាម៉ៅ ដូចខាងក្រោមនេះ៖
សូមអញ្ជើញទស្សនាទិដ្ឋភាពដ៏ស្ងប់ស្ងាត់នៅតាមតូបលក់កង្កែបបោក តាមបណ្តោយផ្លូវជាតិលេខ២ ម្តុំផ្លូវទៅភ្នំតាម៉ៅ ដូចខាងក្រោមនេះ៖
© រក្សាសិទ្ធិដោយ thmeythmey.com
