មន្រី្តឧទ្យានុរក្ស បង្ក្រាបករណីលួចកូនសត្វននាលពណ៌ជាង១២០ក្បាលនៅព្រែកទាល់

ជាតិ

សង្គមជាតិ

មន្រី្តឧទ្យានុរក្ស បង្ក្រាបករណីលួចកូនសត្វននាលពណ៌ជាង១២០ក្បាលនៅព្រែកទាល់

29, Mar 2020 , 2:59 pm

រូបភាព

រូបពីក្រសួងបរិស្ថាន

ដោយ: ឡាយ សុភាវតី

ភ្នំពេញ៖ មន្ត្រីឧទ្យានុរក្ស បានបង្ក្រាបបទល្មើសលួចកូនសត្វននាលពណ៌ជាង១២០ក្បាល នៅតំបន់រ៉ាមសារព្រែកទាល់ ស្រុកឯកភ្នំ ខេត្តបាត់ដំបង។ នេះបើតាមការចេញផ្សាររបស់ក្រសួងបរិស្ថាន។

មន្ត្រីស្ម័គ្រចិត្តសហគមន៍ជាង១០នាក់ នៅពាក់កណ្ដាលអាធ្រាតម៉ោង២ ឈានចូលថ្ងៃទី២៦ មីនា ឆ្នាំ២០២០ បានចុះល្បាតនិងស្ទាក់ចាប់បទល្មើសលួចកូនសត្វនាលពណ៌ជាង១២០ក្បាល នៅចំណុចខ្នងព្រែកមូស តំបន់ព្រែកទាល់។ កូនសត្វនាលពណ៌ទាំងនោះ ត្រូវបានជនសង្ស័យ ទម្លាក់ទុកចោលរួចរត់គេចខ្លួនបាត់ ខណៈពេលមន្រី្តឧទ្យានិរក្សប្រទេះឃើញអំឡុងពេលចុះល្បាត។

តំបន់រ៉ាមសារព្រែកទាល់នេះ តាំងពីដើមមក ពុំធ្លាប់មានបទល្មើសលួចចូលចាប់សត្វទ្រង់ទ្រាយធំបែបនេះទេ ហើយសមត្ថកិច្ចកំពុងតាមដានរឿងបទល្មើសចាប់កូនននាលពណ៌នេះបន្ថែមទៀត។ ចំណែកកូនសត្វជាង១២០ក្បាលនេះ ត្រូវសមត្ថកិច្ចយកទៅដុតកម្ទេចចោលនៅទីស្នាក់ការក្នុងឃុំកោះជីវាំង ស្រុកឯកភ្នំ៕