COVID-19
ពីនេះ ពីនោះ
រូបត្លុក
×![]()
ដោយ: ថ្មីៗ
នៅថ្ងៃនេះ សុធីរ និងសំណាង និយាយពីគុណបំណាច់របស់វេជ្ជបណ្ឌិត និងគ្រូពេទ្យខ្មែរគ្រប់ជាន់ថ្នាក់ដែលបានលះបង់កម្លាំងកាយ ចិត្ត ចំណេះ ជំនាញដើម្បីប្រយុទ្ធប្រឆាំងនឹងជំងឺកូវីដ-១៩។ គុណបំណាច់នេះ ត្រូវបានគោរពដោយមហាជន។
សុធីរ៖ អា សំណាង! អ្ហែង និងអញ បានតាមដានការវិវត្តនៃមេរោគកូវីដ១៩។ តែចំណែកឯគ្រូពេទ្យវិញ ពួកគេជាអ្នកអនុវត្ត និងជាបុគ្គលជួរមុខ ដើម្បីប្រយុទ្ធប្រឆាំងនឹងជំងឺកូវីដ-១៩។ មិនថាអ៊ីចឹង សំណាង?
សំណាង៖ ត្រូវហើយ អា សុធីរ។ វេជ្ជបណ្ឌិត និងគ្រូពេទ្យចំណាយពេលប្រតិបត្តិការប្រឆាំងនឹងមេរោគកូវីដ១៩។ ពួកគេធ្វើការទាំងយប់ ទាំងថ្ងៃ យាមប្រចាំការដោយគ្មានត្អូញត្អែរអ្វីឡើយ។
នៅពេលពួកយើងកំពុងស្ថិតនៅផ្ទះ ពួកគេកំពុងធ្វើការ។ បើតាមអញដឹង តាមរយៈការផ្សព្វផ្សាយនៅលើបណ្តាញសារព័ត៌មាន អ្នកផ្ទុកមេរោគកូវីដ-១៩ ចំនួន២៣នាក់ នៅក្នុងប្រទេសកម្ពុជាបានជាសះស្បើយរួចហើយ និងជិត១០០នាក់ទៀត នៅផ្ទុកមេរោគនៅឡើយ។ តាមរយៈតួលេខនេះ អញអាចនិយាយបានថា គ្រូពេទ្យធ្វើការច្រើនណាស់។
នៅពេលពួកយើងកំពុងស្ថិតនៅផ្ទះ ពួកគេកំពុងធ្វើការ។ បើតាមអញដឹង តាមរយៈការផ្សព្វផ្សាយនៅលើបណ្តាញសារព័ត៌មាន អ្នកផ្ទុកមេរោគកូវីដ-១៩ ចំនួន២៣នាក់ នៅក្នុងប្រទេសកម្ពុជាបានជាសះស្បើយរួចហើយ និងជិត១០០នាក់ទៀត នៅផ្ទុកមេរោគនៅឡើយ។ តាមរយៈតួលេខនេះ អញអាចនិយាយបានថា គ្រូពេទ្យធ្វើការច្រើនណាស់។
សុធីរ៖ បើអ្ហែងអាណិតគ្រូពេទ្យ តើអ្ហែងមានអ្វីជួយពួកគេដែរឬទេ?
សំណាង៖ អញខ្លួនឯងមិនមានអ្វីជួយពួកគាត់ទេ។ តែអញមានការគោរព និងក្តីស្រឡាញ់អស់ពីដួងចិត្តរបស់អញ ចំពោះពលិកម្មរបស់ពួកគេ (គ្រូពេទ្យ)ប៉ុណ្ណោះ។ ម្យ៉ាងទៀត ដោយក្តីគោរពចំពោះពួកគេ និងមិនចង់ឲ្យពួកគេលំបាក អញ និងគ្រួសារអញ បានសម្រេចចិត្តចូលរួមកាត់បន្ថយការចម្លងជំងឺកូវីដ-១៩ ដោយស្ថិតនៅផ្ទះ និងមិនដើរនៅតាមតំបន់ដែលមានមនុស្សច្រើន៕
© រក្សាសិទ្ធិដោយ thmeythmey.com
