សមត្ថកិច្ចឃាត់ខ្លួនស្រី្តម្នាក់នៅឫស្សីកែវ ដោយសារលក់ឧបករណ៍តេស្តរក COVID-19

COVID-19

ជាតិ

សមត្ថកិច្ចឃាត់ខ្លួនស្រី្តម្នាក់នៅឫស្សីកែវ ដោយសារលក់ឧបករណ៍តេស្តរក COVID-19

30, Mar 2020 , 2:41 pm

រូបភាព

វ៉ា វួចគៀង ពាក់អាវក្រហម (រូបពីទំព័រហ្វេសប៊ុករបស់ លោក ជា ពិសី)

ដោយ: ឡាយ សុភាវតី

ភ្នំពេញ៖ សមត្ថកិច្ចបានឃាត់ខ្លួនស្រី្តម្នាក់នៅភូមិបឹងឈូក សង្កាត់គីឡូលេខ៦ ខណ្ឌឫស្សីកែវ រាជធានីពេញភ្នំពេញ ដែលប្រើប្រាស់ទំព័រហ្វេសប៊ុក ធ្វើការផ្សព្វផ្សាយលក់ឧបករណ៍ធ្វើតេស្តរក COVID-19។ នេះបើតាមការអះអាងរបស់អភិបាលខណ្ឌឫស្សីកែវ លោក ជា ពិសី។

អភិបាលខណ្ឌឫស្សីកែវ និងក្រុមការងារ កាលពីថ្ងៃទី២៩ មីនា បានចុះឃាត់ខ្លួនស្ត្រីម្នាក់ឈ្មោះ វ៉ា វួចគៀង ដែលប្រើប្រាស់ទំព័រហ្វេសប៊ុកឈ្មោះ Rama Brand Shop បង្ហោះផ្សព្វផ្សាយលក់ឧបករណ៍ធ្វើតេស្តCovid-19 ដោយគ្មានច្បាប់អនុញ្ញាតពីក្រសួងសុខាភិបាល។

ស្រី្ត វ៉ា វួចគៀង អះអាងប្រាប់សមត្ថកិច្ចថា ខ្លួនគ្រាន់តែជួយផ្សព្វផ្សាយពាណិជ្ជកម្ម ដើម្បីលក់ឧបករណ៍ធ្វើតេស្តឱ្យ ឈ្មោះ ម៉ូនីតា ដែលរស់នៅអាមេរិចប៉ុណ្ណោះ។ អ្នកស្រី្ត បន្ថែមថា ប្រសិនបើមានអ្នកកម្មង់ទិញ នឹងឆាតប្រាប់ អ្នកនៅអាមេរិកឱ្យផ្ញើអីវ៉ាន់មកសម្រាប់លក់បន្ត ប៉ុន្តែជាក់ស្ដែង ខ្លួនពុំទាន់ទទួលបានឧបករណ៍នេះនៅឡើយទេ។

ជាមួយគ្នាដែរសមត្ថកិច្ច បានសម្រេចឃាត់ខ្លួនស្រី្តរូបនេះ ទៅស្នងការដ្នាននគលបាលខណ្ឌឫស្សីកែវ ដើម្បីសាកសួរបន្ថែមនិងចាត់ការតាមនីតិវិធីច្បាប់។

ក្នុងសន្និសីទកាសែតក្នុងវិមានរដ្ឋសភានៅព្រឹកថ្ងៃទី៣០ មីនា នេះ សម្តេចនាយករដ្ឋមន្ត្រី ហ៊ុន សែន បានព្រមានខ្លាំងៗ ចំពោះអ្នកដែលផ្សព្វផ្សាយលក់ឱសថព្យាបាលនិងឧបករណ៍ធ្វើតេស្តរកជំងឺCovid-19។ សម្តេចនាយករដ្ឋមន្ត្រី បញ្ជាទៅសមត្ថកិច្ចថា៖«អ្នកណា ផ្សាយផ្ទាល់ (Live ) លក់ឱសថ និងឧបករណ៍ធ្វើតេស្តរកវីរុសកូវីដ-១៩ ត្រូវតាមចាប់អ្នកនោះ ដល់បន្ទប់ Live តែម្តងទៅ»៕

អត្ថបទទាក់ទង

សម្តេច ហ៊ុន សែន៖ អ្នកណា ផ្សាយលក់ថ្នាំនិងឧបករណ៍ធ្វើតេស្តកូវីដ-១៩ ត្រូវតាមចាប់ដល់បន្ទប់