ព្រះអង្គ យ៉ន សេង យៀត៖ ពលរដ្ឋត្រូវរក្សាចិត្តឱ្យរឹងមាំប្រយុទ្ធនឹងជំងឺCOVID-19 តាមទ្រឹស្តីព្រះពុទ្ធ

COVID-19

ជាតិ

ព្រះអង្គ យ៉ន សេង យៀត៖ ពលរដ្ឋត្រូវរក្សាចិត្តឱ្យរឹងមាំប្រយុទ្ធនឹងជំងឺCOVID-19 តាមទ្រឹស្តីព្រះពុទ្ធ

30, Mar 2020 , 9:19 pm

រូបភាព

ព្រះមុនីកោសល្យ យ៉ន សេង យៀត ដែលកំពុងគង់នៅវត្តរតនរង្សីរីវារ ក្នុងរដ្ឋ Massachusetts នៃសហរដ្ឋអាមេរិក

ដោយ: ប៉ូ សាគុន

ភ្នំពេញ៖ ក្នុងដំណាក់កាលមានវិបត្តិនៃជំងឺអាសន្នរោគកូវីដ១៩នេះ ព្រះមុនីកោសល្យ យ៉ន សេង យៀត ដែលកំពុងគង់នៅវត្តរតនរង្សីរីវារ ក្នុងរដ្ឋ Massachusetts នៃសហរដ្ឋអាមេរិក បានលើកយកឱវាទមួយចំនួនរបស់ព្រះពុទ្ធ ដើម្បីជាពន្លឺសម្រាប់ពុទ្ធបរិស័ទ ក្នុងការដឹកនាំចិត្តរបស់ខ្លួនប្រយុទ្ធនឹងជំងឺរលាកសួតប្រភេទថ្មីកូវីដ១៩នេះ។

ទាំងក្នុងទ្រឹះស្ដីព្រះពុទ្ធសាសនា និងតាមវិជ្ជសាស្ត្រ ក៏ដូចជាក្នុងទ្រឹះស្ដីវិទ្យាសាស្ត្រ «ចិត្ត» មានឥទ្ធិពលខ្លាំងទៅលើការគ្រប់គ្រងជំងឺក្នុងរាងកាយ ក៏ដូចជាគ្រប់គ្រងគ្រប់ស្ថានការណ៍។

ដើម្បីជ្រាបច្បាស់ សូមស្ដាប់បទសម្ភាសរវាងកញ្ញា ប៉ូ សាគុន ជាមួយព្រះមុនីកោសល្យ យ៉ន សេង យៀត ដូចតទៅ៖

ព្រះអង្គ យ៉ន សេង យៀត បានមានថេរដីកាប្រាប់សារព័ត៌មានថ្មីៗ តាមហ្វេសប៊ុកដោយផ្អែកលើឱវាទរបស់ព្រះពុទ្ធថា ដើម្បីរក្សាចិត្តឱ្យរឹងមាំប្រយុទ្ធនឹងជំងឺ ក្នុងដំណាក់កាលមានវិបត្តិកូវីដ១៩ ដែលធ្វើឱ្យពិភពលោកព្រួយបារម្មណ៍នេះ មនុស្សត្រូវស្វែងរកព័ត៌មានពាក់ព័ន្ធនឹងជំងឺនេះឱ្យបានច្រើន។ បន្ទាប់មកត្រូវសិក្សាពីដើមហេតុដែលបង្កឱ្យមានជំងឺ ឬការចម្លង នឹងវិធីបង្ការខ្លួនពីជំងឺ ដែលអនុវត្តន៍តាមការណែនាំរបស់ក្រសួងសុខាភិបាល។

ព្រះអង្គបន្ថែមទៀតថា ក្នុងដំណាក់កាលមានវិបត្តិនៃជំងឺអាសន្នរោគនេះ ព្រះសង្ឃមានតួនាទីពន្យល់ពុទ្ធបរិស័ទឱ្យតាំងចិត្តមាំ និងអនុវត្តិវិធីបង្ការពីជំងឺ។

ព្រះពុទ្ធអង្គបានសម្ដែងថា ផលទាំងឡាយកើតឡើងក៏ព្រោះហេតុ ដូច្នេះទើបបានជាព្រះអង្គទូន្មានបរិស័ទរបស់ព្រះអង្គ ឱ្យសិក្សាពីឬសគល់នៃហេតុទាំងនោះ។ កាលណាមនុស្សបានឃើញឬសគល់របស់ហេតុ នោះពួកគេនឹងរកឃើញដំណោះស្រាយ។ កាលណាមនុស្សឃើញដំណោះស្រាយ ចិត្តរបស់គេក៏មិនភ័យស្លន់ស្លោដែរ។ កាលណាមិនភ័យស្លន់ វិបត្តិទាំងឡាយក៏នឹងអាចដោះស្រាយបាន៕