អតីតប្រធានាធិបតីសាធារណរដ្ឋកុងហ្គោ ស្លាប់ដោយសារ COVID-19 នៅបារាំង

COVID-19

អន្តរជាតិ

អតីតប្រធានាធិបតីសាធារណរដ្ឋកុងហ្គោ ស្លាប់ដោយសារ COVID-19 នៅបារាំង

31, Mar 2020 , 10:14 am

រូបភាព

ដោយ: តន ចាន់រិទ្ធារ៉ា

អតីតប្រធានាធិបតីសាធារណរដ្ឋកុងហ្គោ លោក Jacques Joaquim Yhombi Opango បានស្លាប់ដោយសារជំងឺផ្លូវដង្ហើម COVID-19 នៅថ្ងៃទី៣០ ខែមីនានៅឯទឹកដីបារាំង។ កូនប្រុសរបស់លោក ប្រាប់ទីភ្នាក់ងារព័ត៌មាន AFP បែបនេះ។

លោក Jacques Joaquim Yhombi Opango ដែលដឹកនាំសាធារណរដ្ឋកុងហ្គោពីឆ្នាំ១៩៧៧ ដល់ឆ្នាំ១៩៧៩ បានស្លាប់ក្នុងមន្ទីរពេទ្យមួយក្នុងរដ្ឋធានីប៉ារីសដោយសារ COVID-19 ។ លោក Jean-Jacques ដែលជាកូនប្រុសរបស់លោកប្រកាសព័ត៌មាននេះក្រោយមរណភាពរបស់ឪពុក។

បើតាមទីភ្នាក់ងារព័ត៌មាន AFP អតីតមេដឹកនាំរដ្ឋអាហ្វ្រិកមួយនេះ ក៏មានជំងឺជាប់ខ្លួនផងដែរមុននឹងឆ្លង COVID-19 នេះ។ លោកតែងចំណាយពេលរវាងទឹកដីកំណើត និងទឹកដីបារាំង ដើម្បីព្យាបាលជំងឺរបស់ខ្លួន៕