ជាតិ
សង្គមជាតិ
ពីថ្ងៃទី១-៧ មេសា ខេត្តមួយចំនួនមានសីតុណ្ហភាពដល់៣៧អង្សា និងមានភ្លៀងនៅផ្នែកខ្លះ
រូបភាពក្រសួងធនធានទឹក និងឧតុនិយម
×![]()
ភ្នំពេញ៖ ក្រសួងធនធានទឹក និងឧតុនិយម នៅថ្ងៃទី៣១ ខែមីនានេះ បានជូនដំណឹងថា កម្ពុជាកំពុងទទួលរងឥទ្ធិពល ពីជ្រលងសម្ពាធទាបលើផ្ទៃដី ជាមួយនឹងខ្យល់បក់មកពីសមុទ្រ ចិនខាងត្បូង។ តាមក្រសួងធនធានទឹក ស្ថានភាពនេះ ធ្វើឲ្យធាតុអាកាស នៅបណ្តាខេត្តនៅតំបន់វាលទំនាបកណ្តាល ចាប់ពីថ្ងៃទី១-៧ មេសា មានសីតុណ្ហភាពអប្បបរមា ពី២៥-២៧អង្សា និងសីតុណ្ហភាពអតិបរមាពី ៣៤-៣៧អង្សា។
ដោយឡែក ចាប់ពីថ្ងៃទី២-៦មេសា បណ្តាខេត្តនៅតំបន់វាលទំនាបកណ្តាល និងភាគពាយ័ព្យ នឹងអាចមានភ្លៀងក្នុងកម្រិតពីមធ្យម ទៅបង្គួរ។ ចំណែកបណ្តាខេត្តដទៃ នឹងអាចមានភ្លៀងធ្លាក់តិច។
សេចក្តីជូនដំណឹងដដែលបញ្ជាក់ទៀតថា នៅពេញមួយសប្តាហ៍ខាងមុខ ពោលគឺពីថ្ងៃទី១ ដល់ថ្ងៃទី ៧ មេសា បណ្តាខេត្តនៅខ្ពង់រាបឦសាន នឹងមានសីតុណ្ហភាពអប្បបរមា ពី២៤-២៦អង្សា និងសីតុណ្ហភាពអតិបរមាពី ៣២-៣៤អង្សា។ ហើយផ្នែកមួយចំនួន នឹងអាចមានមានភ្លៀងក្នុងខ្សោយ ទៅមធ្យម ពីថ្ងៃទី ៤-៧ មេសា។
រីឯបណ្តាខេត្តនៅតំបន់មាត់សមុទ្រ មានសីតុណ្ហភាពអប្បបរមា ពី២៥-២៧អង្សា និងសីតុណ្ហភាពអតិបរមាពី ៣៣-៣៥អង្សា នៅអំឡុងសប្តាហ៍ខាងមុខ។ ប៉ុន្តែពីថ្ងៃទី២-៧មេសា នឹងអាចមានភ្លៀងធ្លាក់នៅក្នុងកម្រិតពីតិច ទៅបង្គួរ ក្នុងនោះផ្នែកមួយចំនួននៃខេត្តកោះកុង នឹងអាចមានភ្លៀងធ្លាក់ក្នុងកម្រិតមធ្យម ទៅបង្គួរ។
ក្រសួងធនធានទឹក និងឧតុនិយម បានអំពាវនាវឲ្យប្រជាពលរដ្ឋប្រុងប្រយ័ត្ន ចំពោះបាតុភូតផ្គរ រន្ទះ និងខ្យល់កន្ត្រាក់ ដែលនឹងអាចកើតមានចាប់ពីថ្ងៃទី ២-៦ មេសា៕
Tag:
អាកាសធាតុ
© រក្សាសិទ្ធិដោយ thmeythmey.com
