COVID-19
អន្តរជាតិ
អគ្គរដ្ឋទូតហ្វីលីពីនប្រចាំលីបង់ ស្លាប់ដោយសារ COVID-19 អគ្គរដ្ឋទូតហ្វីលីពីនលោកស្រី Bernardita Catalla។ រូបភាព៖ AFP
× អគ្គរដ្ឋទូតហ្វីលីពីនប្រចាំនៅលីបង់ លោកស្រី Bernardita Catalla បានទទួលមរណភាពដោយសារជំងឺរលាកសួត ដែលបង្កដោយកូរ៉ូណាវីរុស (COVID-19)។ ការបាត់បង់លោកស្រី បានធ្វើឲ្យក្រសួងការបរទេសហ្វីលីពីនមានការសោកស្តាយជាខ្លាំង។
តាមរយៈសេចក្តីថ្លែងការណ៍របស់ក្រសួងការបរទេសហ្វីលីពីន លោកស្រី Bernardita Catalla អគ្គរដ្ឋទូតហ្វីលីពីនប្រចាំនៅលីបង់ បានទទួលមរណភាពដោយជំងឺCOVID-19 ក្នុងវ័យ៦២ឆ្នាំ នាថ្ងៃទី៣ ខែមីនា។ មរណភាពរបស់លោកស្រី ត្រូវបានក្រសួងការបរទេសហ្វីលីពីនមានការសោកស្តាយយ៉ាងខ្លាំង ព្រោះលោកស្រីគឺជាអ្នកការពារសិទ្ធិពលករដ៏ខ្លាំងក្លាម្នាក់ នៅប្រទេសលីបង់។
បើតាមក្រសួងការបរទេសហ្វីលីពីន លោកស្រី Catalla បានទទួលមរណភាពនៅមន្ទីរពេទ្យមួយកន្លែង ក្នុងទីក្រុងបេរូត។
គិតត្រឹមថ្ងៃទី២ ខែមេសា ហ្វីលីពីនមានករណីCOVID-19 សរុបចំនួន ២៦៣៣ករណី អ្នកស្លាប់ ១០៧ករណី និងអ្នកជាសះស្បើយមានចំនួន ៥១ករណី៕
Tag:
ហ្វីលីពីន
លីបង់
COVID-19
© រក្សាសិទ្ធិដោយ thmeythmey.com