COVID-19
កីឡាអន្តរជាតិ
អន្តរជាតិ
Club Brugge ក្លាយជាជើងឯកលីគបែលហ្ស៊ិក ខណៈប្រកួតនៅសល់ត្រូវឆាចោល
× Club Brugge ត្រូវបានប្រកាសឲ្យក្លាយជាជើងឯកលីគកីឡាបាល់ទាត់កំពូលបែលហ្ស៊ិក (BFDA) រដូវកាលនេះ ការប្រកួតដែលនៅសេសសល់ ត្រូវលុបចោលដោយសារវិបត្តិជំងឺរាតត្បាត COVID-19 ក្តី។ ដោយឡែក ក្រុមបាតតារាងត្រូវកាត់ចោលដូចធម្មតា។
ឆ្លងកាត់ការប្រកួត២៩លើក Club Brugge ឈរនៅកំពូលតារាងមាន៧០ពិន្ទុ ដោយនាំមុខគេរហូតដល់១៥ពិន្ទុ ខណៈនៅសល់មួយប្រកួតទៀតនៅត្រូវបញ្ចប់ ហើយចូលវគ្គ Play-off ក្នុងចំណោមក្រុមពីលេខ១ដល់លេខ៦។
លីគ BFDA ដែលមាន១៦ក្រុម តម្រូវឲ្យមានការប្រកួតគ្នាចំនួន៣០ប្រកួតក្នុងមួយរដូវកាល ហើយក្រុមដែលបញ្ចប់នៅលេខរៀងទៅ១ ដល់៦ក្នុងតារាង នឹងត្រូវលេងវគ្គជម្រុះបន្តដើម្បីដណ្តើមយកជើងឯក។
ដោយសារការរីករាលដាលខ្លាំងឡើងនៃ COVID-19 នៅទូទាំងពិភពលោក បែលហ្ស៊ិកបានប្រកាសឲ្យលីគគ្រប់កម្រិតពន្យារពេលបណ្តោះអាសន្ន។ ប៉ុន្តែ ដោយឥទ្ធិពលជំងឺឆ្លងសកលនេះកាន់តែខ្លាំងក្លាទៅៗទើបលីគសម្រេចឲ្យលុបចោលការប្រកួតដែលនៅសេះសល់ទាំងស្រុងតែម្តង ហើយប្រគល់ពានរដូវកាលនេះទៅ Club Brugge ដែលជាក្រុមកំពូលតារាង។
ការសម្រេចចិត្តខាងលើ ធ្វើឡើងតាមរយៈក្រុមប្រឹក្សាភិបាល Pro League ដែលធ្វើឡើងដោយមានការចូលរួមពីក្លិបចំនួន ២៤ (លីគកំពូល១៦ក្រុម និងលីគទី២ចំនួន៨ក្រុម) ក៏បានឲ្យក្រុមដែលនៅបាតតារាងនៃលីកទីមួយត្រូវកាត់ចោលដូចធម្មតា ហើយក្រុមលេខមួយនៅលីគទី២ត្រូវឡើងទៅលេងនៅលីគលំដាប់កំពូលនៅរដូវកាលក្រោយ៕
Tag:
COVID-19
Club Brugge
© រក្សាសិទ្ធិដោយ thmeythmey.com