ក្រសួងអប់រំ ផ្អាកការប្រឡងសិស្សពូកែទូទាំងប្រទេសឆ្នាំ២០២០

COVID-19

ជាតិ

សង្គមជាតិ

ក្រសួងអប់រំ ផ្អាកការប្រឡងសិស្សពូកែទូទាំងប្រទេសឆ្នាំ២០២០

04, Apr 2020 , 9:59 am

រូបភាព

លោក ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា រូបភាពពីក្រសួងអប់រំ

ដោយ:

ភ្នំពេញ៖ ក្រសួងអប់រំ បានប្រកាសផ្អាកការប្រឡងជ្រើសរើសពូកែទូទាំងប្រទេស ដែលគ្រោងធ្វើនៅថ្ងៃទី២០មេសា ឆ្នាំ២០២០នេះ នៅវិទ្យាល័យនេតយ៉ង់ ខេត្តបាត់ដំបង ដើម្បីចូលរួមទប់ស្កាត់ការរាលដាលជំងឺកូវីដ-១៩។ នេះបើតាមលិខិតរបស់ក្រសួងអប់រំ ដែលជម្រាបទៅប្រធានមន្ទីរអប់រំទូទាំងប្រទេសនៅថ្ងៃទី២ មេសានេះ។

នេះមិនមែនកម្មវិធីទី១ ដែលត្រូវបានផ្អាកនោះទេ កន្លងមកក្រសួងបានផ្អាកកម្មវិធីមួយចំនួនដែលនាំឲ្យមានការជួបជុំគ្នា មានដូចជាពន្យារពេលទទួលពាក្យសុំចុះឈ្មោះប្រឡងសញ្ញាបត្រមធ្យមសិក្សាទុតិយភូមិ និងផ្អាកនីតិវិធីក្នុងការរៀបចំប្រកាសទទួលស្គាល់ និងការបង្កើតគ្រឹះស្ថានសិក្សាឯកជនគ្រប់កម្រិត គ្រប់ប្រភេទ ដែលបានដាក់ពាក្យស្នើសុំអាជ្ញាប័ណ្ណ ទៅច្រកចេញចូលតែមួយ។

ក្រសួងអប់រំ បានប្រកាសបិទសាលារដ្ឋ និងឯកជនទូទាំងរាជធានីខេត្ត តាំងតែពីថ្ងៃទី១៦ ខែមីនាមក និងបានបង្កើតកម្មវិធីមួយចំនួនដូចជា E-Learning School, E-School Cambodia, BEEP និង Wiki TV ដើម្បីឲ្យសិស្សានុសិស្សសិក្សាដោយខ្លួនឯងនៅផ្ទះ។

អត្ថបទទាក់ទង

សិស្សពូកែថ្នាក់ទី១២៖ ស្រីខ្លាំងអក្សរសិល្បិ៍ ប្រុសពូកែគណិត ខណៈព្រៃវែងនៅតែនាំមុខរូបវិទ្យា

សិស្សពូកែថ្នាក់ទី៩៖ កណ្តាលខ្លាំងអក្សរសិល្ប៍ ភ្នំពេញនាំមុខគណិត រីឯព្រៃវែងលេខ១រូបវិទ្យា

គិតត្រឹមថ្ងៃទី២ មេសា កម្ពុជារកឃើញករណីវិជ្ជមានកូវីដ-១៩ សរុប១១០ករណី ក្នុងនោះបានព្យាបាលជាសះស្បើយចំនួន ៣៤ករណី៕