ជាតិ
×![]()
ដោយ: ធៀន ភារិន្ទ
គិតត្រឹមព្រឹកថ្ងៃទី៦ ខែមេសា កម្ពុជា បានព្យាបាលអ្នកជំងឺរលាកសួត ដែលបង្កដោយកូរ៉ូណាវីរុស (COVID-19) ឲ្យជាសះស្បើយចំនួន ៣ករណីបន្ថែមទៀត ស្របពេលប្រទេសអាស៊ីអាគ្នេយ៍មួយនេះ មិនទាន់រកឃើញមានករណីថ្មី ក្នុងរយៈពេល ៣ថ្ងៃចុងក្រោយ។
តាមរយៈសេចក្តីជូនព័ត៌មានរបស់ក្រសួងសុខាភិបាល កម្ពុជាបានព្យាបាលអ្នកជំងឺCOVID-19 ឲ្យជាសះស្បើយចំនួន ៣ករណីបន្ថែមទៀត។ សម្រាប់ ៣ករណីចុងក្រោយនេះ គឺជាជនជាតិម៉ាឡេស៊ីទាំងអស់ ដែលបានមកធ្វើការសាសនា នៅស្រុកកងមាស ខេត្តកំពង់ចាម។
យ៉ាងក៏ដោយ នៅថ្ងៃទី៥ ខែមីនា កម្ពុជា មិនទាន់រកឃើញមានករណីឆ្លងCOVID-19ឡើយ ពោលគឺក្នុងរយៈពេល ៣ថ្ងៃចុងក្រោយ កម្ពុជាមិនទាន់មានករណីឆ្លងថ្មីទេ។ បើទោះបីជាមិនមានករណីថ្មីក៏ដោយ ក៏អាជ្ញាធរសុខាភិបាល នៅតែបន្តស្វែងរកករណីថ្មីទៀត ដើម្បីទប់ស្កាត់ការរាតត្បាតនៃកូរ៉ូណាវីរុសនៅក្នុងប្រទេស។
សូមបញ្ជាក់ថា មកទល់ពេលនេះ កម្ពុជាមានករណី COVID-19 សរុប ១១៤ករណី។ ក្នុងចំនួននេះ កម្ពុជាបានព្យាបាលអ្នកជំងឺឲ្យជាសះស្បើយសរុប ៥៣ករណី និងមិនទាន់មានករណីស្លាប់នៅឡើយទេ។ សម្រាប់អ្នកជំងឺ ដែលនៅសល់ គឺមានចំនួន ៦១ករណី៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
