ជាតិ
សេដ្ឋកិច្ច
CDC អនុម័តឱ្យក្រុមហ៊ុនថ្មី២ បង្កើតរោងចក្រកាត់ដេរសម្លៀកបំពាក់ នៅភ្នំពេញ និងកំពង់ស្ពឺ
× ភ្នំពេញ៖ គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា ហៅកាត់CDC អនុម័តឱ្យក្រុមហ៊ុនថ្មី២ បង្កើតរោងចក្រកាត់ដេរសម្លៀកបំពាក់ នៅរាជធានីភ្នំពេញ និងខេត្តកណ្តាល។ បើតាមការចុះផ្សាយរបស់CDC នៅថ្ងៃទី១០មេសា ឆ្នាំ២០២០ ក្រុមហ៊ុនទាំង២នេះ មានទុនវិនិយោគជាង៨លានដុល្លារ។
CDC បានបញ្ជាក់ថា ក្រុមហ៊ុនដែលមានមានគម្រោងបង្កើតរោងចក្រកាត់ដេរសម្លៀកបំពាក់នោះ មានក្រុមហ៊ុនHUA WU GARMENT (CAMBODIA) CO., LTD មានទុនវិនិយោគ៣,១លានដុល្លារ ដែលអាចបង្កើតការងារបានជាង១ពាន់កន្លែង។ ក្រុមហ៊ុននេះមានទីតាំង ភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ និងក្រុមហ៊ុន T.S SPORT (CAMBODIA) CO., LTD មានគម្រោងវិនិយោគនៅ ឃុំខ្ចុំត្រាំង ស្រុកសំរោងទង ខេត្តកំពង់ស្ពឺ។ ក្រុមហ៊ុននេះ មានទុនវិនិយោគ៥,២លានដុល្លារ និងអាចបង្កើតការងារបានជាង ១,៦ពាន់កន្លែង។
ជាមួយគ្នានេះ CDC ក៏បានអនុម័តឱ្យក្រុមហ៊ុន WORLD BEST FEATHER CO., LTD បង្កើតរោងចក្រផលិតសំឡីពីរោមសត្វ នៅខេត្តត្បូងឃ្មុំ និងក្រុមហ៊ុន BAO HAO CHANG PACKING CO., LTD បង្កើតរោងចក្រផលិតកេសកាតុងនិងសម្ភារៈវេចខ្ចប់គ្រប់ប្រភេទ ខេត្តកំពង់ស្ពឺ ផងដែរ។ បើតាមCDC ក្រុមហ៊ុន WORLD BEST FEATHER មានទុនវិនិយោគ២,១លានដុល្លារ ដែលអាចបង្កើតការងារបានជិត៣០០កន្លែង។ រីឯ BAO HAO CHANG PACKING មានទុនវិនិយោគ៣,៥លានដុលា្លរ អាចបង្កើតការងារបានជាង១៥០កន្លែង ដល់ប្រជាពលរដ្ឋ៕
Tag:
CDC
រោងចក្រ
កំពង់ស្ពឺ
© រក្សាសិទ្ធិដោយ thmeythmey.com