អត្ថបទពាណិជ្ជកម្ម
ផាកកាហ្វេ៖ ប្រ៊ែនខ្មែរមួយសម្របខ្លួនបានរហ័សក្នុងពេលមានវិបត្តិជំងឺកូវីដ១៩
× ស្របពេលប្រទេសកម្ពុជាកំពុងប្រឈមមុខនឹងវិបត្តិជំងឺកូវីដ១៩ យើងឃើញថាអាជីវកម្មជាច្រើនបានរងផលប៉ះពាល់ ហើយខ្លះឈានទៅដល់ការបិទអាជីវកម្មតែម្តង។ ផ្ទុយទៅវិញ ផាក កាហ្វេ ដែលជាភោជនីយដ្ឋាន ប្រ៊ែនខ្មែរក្នុងស្រុកមួយ បាននិងកំពុងឈរជើងយ៉ាងមាំ ថែមទាំងប្រកាសរើសបុគ្គលិកជាច្រើននាក់បន្ថែមទៀតផងដែរ។ តើហេតុអ្វីបានជា ផាកកាហ្វេ អាចសម្របខ្លួនបានឆាប់រហ័ស ឆ្លើយតបទៅនឹងវិបត្តិជំងឺកូវីដ១៩នេះ?
ចម្លើយនៃសំណួរខាងលើ គឺមិនមែនជារឿងចៃដន្យនោះទេ។ ស្របពេលដែលមនុស្សគ្រប់គ្នា ខ្លាចឆ្លងជំងឺកូវីដ១៩ នៅពេលមកទទួលទានអាហារនៅខាងក្រៅ ផាក កាហ្វេ បានធ្វើរឿងជាច្រើន។ រាល់បុគ្គលិកផាកកាហ្វេទាំងអស់ ត្រូវវាស់កំដៅមុនចូលធ្វើការគ្រប់ៗគ្នា។ បើសីតុណ្ហភាពលើសពី ៣៧.៥ អង្សារសេ ពួកគេនឹងមិនត្រូវអនុញ្ញាត្តិឲ្យចូលក្នុងហាងធ្វើការនោះទេ។
ពួកគេត្រូវត្រឡប់ទៅផ្ទះសម្រាក និងប្រឹក្សាយោបល់ជាមួយវេជ្ជបណ្ឌិត។ រាល់បុគ្គលិកក្នុងហាងត្រូវពាក់ម៉ាស និងស្រោមដៃជាដាច់ខាត។ បើយើងនៅក្នុងហាងហើយសង្កេតឱ្យបានដិតដល់ ផាក កាហ្វេ បានដាក់បុគ្គលិកម្មាក់ពាក់អាវពណ៌បៃតងដែលការងាររបស់គាត់មានតែមួយមុខគត់គឺសម្អាតទ្វារ តុ កៅអី និងសម្ភារផ្សេងៗជាមួយទឹកសម្លាប់មេរោគ។
អតិថិជនតម្រូវឲ្យវាស់កំដៅ និងលាងដែជាមួយនឹងអាល់កុល មុនចូលហាងផងដែរ ហើយបើសីតុណ្ហភាពលើសពី៣៧.៥ អង្សារសេ គឺមិនអាចឲ្យចូលហាងបាននោះទេ ដោយពួកគាត់អាចកម្ម៉ង់ខ្ចប់យកទៅទទួលទាននៅផ្ទះ ឬកម្ម៉ង់តាមសេវាដឹកជូនដល់ទីកន្លែង ដែលមិនប៉ះផ្ទាល់ជាមួយអតិថិជនដោយឥតគិតថ្លៃ។ អតិថិជន អាចប្រើទូរស័ព្ទរបស់ខ្លួនស្គែនបារកូដ ដើម្បីមើល មីនុយអេឡិចត្រូនិច (E-Menu) ដើម្បីចៀសវាងការកាន់សៀវភៅមីនុយផ្ទាល់។ បន្ទាប់ពីទទួលទានរួច ក្រៅតែអំពីការចាយក្រដាសប្រាក់ អតិថិជនអាចទូរទាត់ទឹកប្រាក់តាមកាតសមាជិកផាកកាហ្វេ ឬធនាគារដៃគូរមួយចំនួនផងដែរ។
អ្វីដែលគួរឱ្យចាប់អារម្មណ៍ជាងនេះទៅទៀត ស្របពេលដែលមានអតិថិជនមួយចំនួនមិនចង់ចេញក្រៅតែចង់ទទួលទានអាហារបែបសុខភាពឈ្ងុយឆ្ងាញ់ ផាកកាហ្វេ បានណែនាំសេវាដឹកជូនដល់ទីកន្លែងដែលមិនប៉ះផ្ទាល់ជាមួយអតិថិជន (Contactless Delivery Service) ដោយឥតគិតថ្លៃ មុនគេនៅប្រទេសកម្ពុជា ដែលតម្រូវឱ្យបុគ្គលិកដឹកជញ្ជូន នៅឆ្ងាយពីអតិថិជនយ៉ាងតិច ២ម៉ែត្រនៅពេលប្រគល់ម្ហូបនិងទទួលប្រាក់។ ដើម្បីទំនុកចិត្តរបស់អតិថិជន ផាក កាហ្វេ មានប័ណ្ណធានាសុវត្ថិភាពចំណីអាហារ ដែលមានកត់ត្រាឈ្មោះ និងសីតុណ្ហភាពរបស់បុគ្គលិកចម្អិន និងបុគ្គលិកដឹកជញ្ជូន។
អាជីវកម្មមួយរីកចម្រើនក្នុងសហគមន៍ លុះត្រាតែតែសហគមន៍នោះរីកចម្រើន។ មិនគ្រាន់តែគិតអំពីការលក់ និងប្រាក់ចំណេញនោះទេ ផាក កាហ្វេ មានយុទ្ធនាការចូលរួមជួយដល់សង្គមផងដែរ។ ផាក កាហ្វេ បានចូលរួមជូនម្ហូបអាហារបែបសុខភាពមានអនាម័យខ្ពស់រសជាតិឈ្ងុយឆ្ងាញ់ ដល់ក្រុមការងារជួរមុខដែលកំពុងប្រយុទ្ធប្រឆាំងនឹងជំងឺកូវីដ១៩នេះ។
© រក្សាសិទ្ធិដោយ thmeythmey.com