COVID-19៖ លទ្ធផលសំណាកជាង៤០នៅបឹងកេងកង១ សុទ្ធតែអវិជ្ជមាន

COVID-19

ជាតិ

COVID-19៖ លទ្ធផលសំណាកជាង៤០នៅបឹងកេងកង១ សុទ្ធតែអវិជ្ជមាន

20, Apr 2020 , 10:48 am

រូបភាព

លោក លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល នាសន្និសីទសារព័ត៌មាន នៅព្រឹកថ្ងៃចន្ទ ទី២០ ខែមេសា។ ថតដោយ ប៉ាន់ បូនី

ដោយ: ថ្មីៗ

នាសន្និសីទសារព័ត៌មាននៅព្រឹកថ្ងៃទី២០ ខែមេសា នេះ លោក លី សូវ៉ាន់ ប្រធាននាយកដ្ឋានប្រយុទ្ធនឹងជំងឺឆ្លង បានអះអាងថា ក្រសួងសុខាភិបាល បានតាមដានស្រាវជ្រាវរកឃើញអ្នកប៉ះពាល់ដោយប្រយោលជាមួយអ្នកជំងឺCOVID-19 ពោលគឺបុរសកាណាដា និងភរិយាវៀតណាមដែលរស់នៅខុនដូមួយក្នុងសង្កាត់បឹងកេងកង១ ខណ្ឌបឹងកេងកង រាជធានីភ្នំពេញ។ លទ្ធផលតេស្តលើសំណាកជាង៤០ បានបង្ហាញថា អ្នកប៉ះពាល់ទាំងនោះ ដែលស្ថិតនៅខុនដូពីរកន្លែង សុទ្ធតែអវិជ្ជមាន។

បើតាម លោក លី សូវ៉ាន់ បុរសកាណាដាដើមកំណើតចិន និងភរិយាវៀតណាម ដែលរស់នៅក្នុងខុនដូមួយកន្លែងនៅបឹងកេងកង១ ត្រូវបានតេស្តឃើញវិជ្ជមាន COVID-19 ហើយភ្លាមៗ អាជ្ញាធរមិនបានដឹងប្រភពច្បាស់។ លោកបញ្ជាក់ថា៖ «ក្រោយមកយើងរកឃើញពន្លឺខ្លះៗ ដោយអ្នកជំងឺមានប្រវតិ្តប៉ះពាល់ជាមួយអ្នកជំងឺចិន និងវៀតណាម ដែលមានវិជ្ជមានកន្លងមក»។

ក្រោយការយកសំណាកទៅពិនិត្យ លទ្ធផលបានបង្ហាញថា អ្នកប៉ះពាល់ដោយប្រយោលជាមួយអ្នកជំងឺកាដាណា និងភរិយាវៀតណាម នៅខុនដូពីរកន្លែងនៅបឹងកេងកង១ ដែលមានចំនួនជាង៤០នាក់ លទ្ធផលសុទ្ធតែអវិជ្ជមាន។

ទោះបីជាស្ថិតក្នុងហានិភ័យទាបក៏ដោយ ក៏ប្រធាននាយកដ្ឋានប្រយុទ្ធនឹងជំងឺឆ្លង និងជាអ្នកនាំពាក្យក្រសួងសុខាភិបាលម្នាក់ផងដែរនោះ បានស្នើឲ្យពលរដ្ឋនៅក្នុងតំបន់ ក៏ដូចជានៅទូទាំងប្រទេសទាំងមូលរក្សាក្បួនអនាម័យ និងគោរពតាមការណែនាំរបស់ក្រសួងសុខាភិបាល ដើម្បីរួមគ្នាទប់ស្កាត់ការរាលដាល COVID-19 ជាពិសេសការឆ្លងជាសហគមន៍៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

1 សប្តាហ៍

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

4 ថ្ងៃ

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

6 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

2 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

4 ថ្ងៃ

អត្ថបទពេញនិយមបន្ថែម