រថយន្ត
អន្តរជាតិ
អាមេរិក៖ រថយន្តជាង៣០០គ្រឿងត្រូវបានរក្សាទុកយ៉ាងសម្ងាត់អស់ជាង៣០ឆ្នាំ
×![]()
ដោយ: ធីតា
ការរក្សាទុករថយន្តចាស់ៗយ៉ាងសម្ងាត់ ត្រូវបានស្រាវជ្រាវរកឃើញ កាលពីពេលថ្មីៗកន្លងមកនេះ នៅសហរដ្ឋអាមេរិក។ តាមការផ្សាយរបស់ AD.nl រថយន្តប្រមាណ៣០០គ្រឿងដែលសុទ្ធតែជារថយន្តកីឡា ស្ថិតក្នុងឃ្លាំងមួយអស់រយៈពេលប្រមាណ៣០ឆ្នាំមកហើយ។
លោក Larry Kosilla ដែលបម្រើការនៅក្រុមហ៊ុន Ammo NYC ជំនាញផ្នែកជួសជុល និងលក់រថយន្តចាស់ៗ បានអះអាងថា លោកត្រូវបានគេទាក់ទងឲ្យរៀបចំបញ្ចេញលក់រថយន្តប្រមាណ៣០០គ្រឿងនោះ។
ដោយមិនបង្ហើបពីឈ្មោះម្ចាស់រថយន្ត លោក Larry ត្រូវបានអនុញ្ញាតឲ្យចូលក្នុងឃ្លាំង ដើម្បីថតរថយន្ត ប៉ុន្តែលោកមិនមានសិទ្ធិប្រាប់ពីទីតាំងពិតប្រាកដនោះឡើយ។
ក្នុងចំណោមរថយន្តទាំងនោះ ភាគច្រើនជារថយន្តដែលមានតម្លៃថ្លៃ ដូចជា Ford GT40, Ferrari, Lamborghini និងបណ្តាប្រទេសរថយន្តប្រណាំងដ៏កម្រជាដើម។
គេមិនដឹងពីមូលហេតុនៃការរក្សារថយន្តទុកចោលរាប់សិបឆ្នាំនោះឡើយ ប៉ុន្តែភ្នាក់ងារលក់បានបង្ហើបថា ខ្លួនទទួលបានការអនុវត្តរៀបចំជួសជុលរថយន្តទាំងនោះ ឲ្យមើលឃើញថ្មីឡើងវិញ មុននឹងដាក់លក់ដេញថ្លៃនៅលើទីផ្សារ៕
© រក្សាសិទ្ធិដោយ thmeythmey.com
