ជាតិ
សង្គមជាតិ
រដ្ឋមន្ត្រីអប់រំ អំពាវនាវឱ្យសាលារៀនឯកជន និងអាណាព្យាបាលសម្បទានគ្នាទៅវិញទៅមក
× ភ្នំពេញ៖ រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួន ណារ៉ុន អំពាវនាវឱ្យអាណាព្យាបាលសិស្ស និងម្ចាស់សាលារៀនឯកជន សម្បទានគ្នាទៅវិញទៅមក លើថ្លៃសិក្សារបស់សិស្ស នៅក្នុងបរិបទវិបត្តិកូវីដ១៩នេះ។ ការអំពាវនាវរបស់រដ្ឋមន្ត្រីអប់រំនេះ ធ្វើឡើងស្របពេលដែលឪពុកម្ដាយសិស្សជាង១០០នាក់ កំពុងតវ៉ាទាមទារបញ្ចុះថ្លៃសិក្សាកូន នៅខាងមុខសាលារៀន CIA FIRST International School នាព្រឹកថ្ងៃទី២៥ មេសានេះ។
ថ្លែងប្រាប់សារព័ត៌មានថ្មីៗ លោក ហង់ ជួន ណារ៉ុន បានលើកឡើងយ៉ាងដូច្នេះថា៖«សុំឱ្យមានការយោគយល់គ្នា ចរចាគ្នារកដំណោះស្រាយ និងសម្បទានគ្នាទៅវិញទៅមក ព្រោះអីកូវីដហ្នឹង ប៉ះពាល់ទាំងអាណាព្យាបាល និងម្ចាស់សាលា»។
ឪពុកម្ដាយ និងអាណាព្យាបាលសិស្ស ដែលនាំគ្នាតវ៉ានៅព្រឹកនេះ បានទាមទារឱ្យសាលារៀនឯកជន CIA FIRST International School បញ្ចុះតម្លៃសិក្សា៤៥ភាគរយ ខណៈដែលខាងសាលារៀបចំកម្មវិធីសិក្សាតាមអនឡាញក្នុងអំឡុងនៃការរាលដាលកូវីដ-១៩ ។រីឯភាគីសាលារៀនទទួលស្គាល់ពីស្ថានភាពដ៏លំបាកនេះ ប៉ុន្តែពួកគេ ក៏មានផលលំបាកផ្ទាល់ខ្លួនផងដែរ។ នោះគឺការចំណាយលើបុគ្គលិក ការជួលអគារសាលារៀន និងកម្ចីធនាគារ ដែលសងវិញជាដើម ។
សារព័ត៌មានថ្មីៗ នឹងបន្តលម្អិតព័ត៌មាននេះបន្ថែមទៀត៕
Tag:
ហង់ ជួន ណារ៉ុន
COVID-19
អប់រំ
© រក្សាសិទ្ធិដោយ thmeythmey.com