COVID-19
ជាតិ
Covid-19៖ កម្ពុជានៅសល់អ្នកជំងឺតែ៣នាក់ប៉ុណ្ណោះ លោក ម៉ម ប៊ុនហេង រដ្ឋមន្ត្រីក្រសួងសុខាភិបាលដឹកនាំសន្និសីទសារព័ត៌មានស្តីពីស្ថានភាព COVID-19 នៅកម្ពុជានាព្រឹកថ្ងៃទី២៧ ខែមេសា ។ ថតដោយ ប៉ាន់ បូនី
× ភ្នំពេញ៖ កម្ពុជានៅសល់អ្នកផ្ទុកជំងឺកូវីដ-១៩ តែ៣នាក់តៀតប៉ុណ្ណោះដែលកំពុងព្យាបាលនៅមន្ទីរពេទ្យ គិតត្រឹមព្រឹកថ្ងៃទី១៧ ខែមេសានេះ។ លោកម៉ម ប៊ុនហេង រដ្ឋមន្ត្រីក្រសួងសុខាភិបាល បានថ្លែងដូច្នេះនៅក្នុងសន្នីសីទកាសែតស្តីពីវឌ្ឍនភាពជំងឺកូវីដ-19 នៅថ្ងៃនេះ។ អ្នកដែលជាសះស្បើយសរុបមានចំនួន ១១៩ នាក់ ក្នុងចំណោមអ្នកផ្ទុកសរុប១២២នាក់ ឬស្មើនឹង៩៧.៥៤ភាគរយ។
នៅថ្ងៃនេះលោក ម៉ម ប៊ុនហេងរដ្ឋមន្ត្រីក្រសួងសុខាភិបាល បានប្រកាសថា មានអ្នកជាសះស្បើយ២នាក់បន្ថែមទៀត គឺប្តីប្រពន្ធបារាំងនៅទួលទំពូង។ ចំនួននេះធ្វើឲ្យអ្នកសះស្បើយសរុប កើនដល់១១៩នាក់ ពោលគឺមានអ្នកជំងឺតែ៣នាក់ទៀតប៉ុណ្ណោះ ដែលកំពុងនៅសម្រាកព្យាបាលនៅមន្ទីរពេទ្យ ក្នុងនោះស្ត្រី១នាក់ និងបុរស២នាក់។ គិតត្រឹមថ្ងៃទី២៧ ខែមេសានេះ គឺមានរយៈពេល១៥ថ្ងៃហើយ ដែលកម្ពុជារកមិនឃើញមានករណីថ្មីនៃជំងឺកូវីដ-១៩។
អ្នកជាសះស្បើយសរុបមាន ជនជាតិចិន៣នាក់, អង់គ្លេស៥នាក់,អាមេរិកាំង២នាក់,បែលហ្សិក១នាក់, បារាំង៤០នាក់,កាណាដា២នាក់,ម៉ាឡេស៊ី១៣នាក់,ឥណ្ឌូណេស៊ី២នាក់,វៀតណាម៣នាក់ និងជនជាតិខ្មែរ ៤៨នាក់៕
© រក្សាសិទ្ធិដោយ thmeythmey.com