អាមេរិក​ផ្តល់ជំនួយ​១,៥​លាន​ដុល្លារ​ទៀត​ដល់​កម្ពុជា សម្រាប់​ឆ្លើយតប​នឹង​កូ​វីដ​-១៩
COVID-19
ជាតិ
សេដ្ឋកិច្ច
អាមេរិក​ផ្តល់ជំនួយ​១,៥​លាន​ដុល្លារ​ទៀត​ដល់​កម្ពុជា សម្រាប់​ឆ្លើយតប​នឹង​កូ​វីដ​-១៩
28, Apr 2020 , 10:05 am        
រូបភាព
ភ្នំពេញ​៖ អាមេរិក​បាន ផ្តល់ជំនួយ​បន្ថែម​ដល់​កម្ពុជា​ចំនួន​១,៥​លាន​ដុល្លារ ដើម្បី​ឆ្លើយតប​នឹង​ជំងឺ​កូ​វីដ​-១៩(COVID-19)​។ បើតាម​លោក W. Partrik Murphy ឯកអគ្គរដ្ឋទូត​អាមេរិក​ប្រចាំ​កម្ពុជា ចាប់តាំងនៃការផ្ទុះមេរោគរាតត្បាតនេះមក អាមេរិក​បានផ្តល់​ជំនួយ​សរុប​ជាង​៣,៥​លាន​ដុល្លារ តាមរយៈ​ទីភ្នាក់ងារ​ជំនួយ​អាមេរិក​USAID) ។​


 
«​ជំនួយ​របស់​យើង នឹង​ជួយ​ប្រព័ន្ធ​សុខាភិបាល​កម្ពុជា ក្នុងការ​តាមដាន​ជំងឺ​កូ​វីដ​-១៩ ព្យាបាល​អ្នកជំងឺ និង​ការពារ​កុំឱ្យ​មាន​ឆ្លង​ជំងឺ​នេះ​បន្ថែមទៀត​»​។ នេះ​ជា​ប្រសាសន៍​របស់លោក W. Partrik Murphy ក្នុង​ពិធី​ប្រគល់​និង​ទទួល​ជំនួយ​នៅ​ក្រសួងសុខាភិបាល កាលពី​ថ្ងៃទី​២៧​មេសា ដោយ​បន្តថា ការយក​ឈ្នះ​លើ​មេរោគ​នេះ គឺជា​បញ្ហា​ប្រឈម​ជាស​កល ប៉ុន្តែ​អាម​រិ​ក​កំពុង​ធ្វើ​កិច្ចការ នៅក្នុង​ស្រុក និង​បរទេស ដើម្បី​បញ្ឈប់​ការ​រាល​នៃ​ជំងឺ​នេះ​។​
 
​បើតាម​លោក​ឯកអគ្គរដ្ឋទូត​រូបនេះ ការជួយ​កម្ពុជា​ក្នុងការ​ឆ្លើយតប​នឹង​ជំងឺ​កូ​វីដ​-១៩​នេះ បាន​បន្ត​កិច្ចសហប្រតិបត្តិការ និង​ភាពជា​ដៃគូ​យូរអង្វែង រវាង​ប្រទេស​ទាំងពីរ ក្នុង​ផ្នែក​សុខាភិបាល ។ លោក​បាន​បន្ថែមថា រាជរដ្ឋាភិបាល​កម្ពុជា និង​រដ្ឋាភិបាល​អាមេរិក មាន​ប្រវត្តិ​ដ៏​យូរ​ក្នុង​ការធ្វើការងារ​រួមគ្នា ជា​ដៃគូ​ប្រកបដោយ​ផលិតភាព និង​ប្រសិទ្ធភាព ក្នុងការ​ពង្រឹង​នូវ​ប្រព័ន្ធ​សុខាភិបាល ដោះ​ស្រោ​យ​នឹង​ជំងឺឆ្លង​ផ្សេងៗ នឹង​លើកកម្ពស់​សមិទ្ធផល​សុខាភិបាល​ស​ម្រ​បា់​ប្រជាជន​កម្ពុជា នៅក្នុង​តំបន់ និង​នៅលើ​ពិភពលោក ផងដែរ​។​


 
​តាមរយៈ​ភាពជា​ដៃគូ ដែល​កំពុងមាន​មកនេះ ក្នុងការ​សម្របសម្រួល​ជាមួយ​រដ្ឋាភិបាល​កម្ពុជា ដៃគូ​សប្បុរសធម៌ និង​អ្នកពាក់ព័ន្ធ​ក្នុងស្រុក អាមេរិក​បាន​ជួយ​ដល់​ការគ្រប់គ្រង​លើ​ករណី​ជំងឺ ដើម្បី​ពង្រឹង​ការថែទាំ​អ្នកជំងឺ ហើយ​កាត់បន្ថយ​ហានិភ័យ​នៃ​ការ​រ​ចម្លង​ទៅ​អ្នកដទៃ​។ ដល់​ការគ្រប់គ្រង និង​ការការពារ​កុំឱ្យ​មានការ​ឆ្លង ដើម្បី​ការពារ និង​គ្រប់គ្រង​ការឆ្លង​នៅតាម​កន្លែង​ថែទាំ​សុខភាព​។ ការពង្រឹង​ផ្នែក​មន្ទីរពិសោធន៍ ដើម្បី​ត្រៀម​រៀបចំ​សម្រាប់​ការធ្វើ​តេស្ត​រក​មេរោគ​កូ​វីដ​-១៩ ជា​ទ្រង់ទ្រាយ​ធំ​។ 
 
​អាមេរិក​ជួយ​ដល់ ការត្រួតពិនិត្យ​សុខភាព​សាធារណៈ​នៅតាម​ច្រកចេញចូល ដើម្បី​ជួយ​កម្ពុជា​ក្នុងការ​អនុវត្ត​ផែនការ​សម្រាប់​គ្រាអាសន្ន ក្នុងការ​ត្រួតពិនិត្យ​មនុស្ស​មកដល់​តាម​ច្រក​ផ្សេងៗ​នៃ​ប្រទេស ដូចជា​អាកាសយានដ្ឋាន និង​ព្រំដែន​គោក​។ ការស៊ើបអង្កេត និង​ការឆ្លើយតប​រហ័ស ដើម្បី​ព​ង្រឹ​ក​ការស្វែងរក​ឃើញ​ករណី ព្រមទាំង​ការផ្តល់​បណ្តុះបណ្តាល និង​ការគាំទ្រ​សម្រាប់​ក្រុម​ឆ្លើយតប​រហ័ស ក្នុងការ​ស៊ើបអង្កេត​ក​រ​ណី​ជំងឺ ហើយ​តាមរក​អ្នក​ប៉ះពាល់​ដោយផ្ទាល់ និង​ប្រយោល​នៃ​ជំងឺ​កូ​វីដ​-១៩​នេះ​។ 
 
​កន្លងមក​កម្ពុជា ស្ថានទូត​អាមេរិក បានផ្តល់​ជំនួយ​ផ្នែក​សុខាភិបាល តាមរយៈ​ក្រុម​អន្តរ​ទីភ្នាក់ងារ​ដែលមាន​ទី​ភ្នា​ក់ថារ​ផ្តល់ជំនួយ​អាមេរិក​(USDID), មជ្ឈមណ្ឌល​គ្រប់គ្រង​ហានិភ័យ និង​បង្ការ​ជំងឺ​(US.CDC), វិទ្យាស្ថាន​ជាតិ​សុខា​ភាព​(NIH), អង្គភាព​ស្រាវជ្រាវ​សុខាភិបាល​នៃ​កងទ័ពជើងទឹក​អាមេរិក​(NANRU-2) ក្រសួងការបរទេស​អា​មេ​រិ​ក និង​អង្គការ​ដទៃទៀត​។ ក្រៅពីនេះ ជំនួយ​របស់​អាមេរិក​លើ​ផ្នែក​សុខាភិបាល​ក​ម្ពូ​ជា ក្នុងការ​ប្រយុទ្ធប្រឆាំង​នឹង​ជំងឺអេដស៍ របេង គ្រុនចាញ់ លើកកម្ពស់​សុខភាព​មាតា និង​ទារក ហើយ​ពង្រឹង​ប្រព័ន្ធ​សុខាភិបាល​ជារួម​៕ 



© រក្សាសិទ្ធិដោយ thmeythmey.com