ជាតិ
ដង្កូវហ្វូងប្រភេទថ្មី កំពុងបំផ្លាញដំណាំពោតជាង១ពាន់ហិកតា នៅខេត្តបាត់ដំបង រូបភាពពីក្រសួងកសិកម្ម រុក្ខាប្រមាញ់ និងនេសាទ
× ដង្កូវហ្វូងប្រភេទថ្មី (Fall Amyworm) បានបំផ្លាញដំណាំពោតជាង១ពាន់ហិកតា របស់កសិករនៅក្នុងស្រុកភ្នំព្រឹក,ស្រុកសំពៅលូន និងស្រុកកំរៀង ខេត្តបាត់ដំបង។ នេះបើតាមទំព័រហ្វេសប៊ុរបស់ក្រសួងកសិកម្ម រុក្ខាប្រមាញ់ និងនេសាទ ដែលបន្តថាដង្កូវហ្វូងប្រភេទថ្មីនេះ កើតមានដោយសារមានភ្លៀងធ្លាក់តិច រួចក៏ចាប់ផ្តើមរាំងវិញ។
តាមក្រសួងសិកម្ម ក្រោយទទួលដំនឹងនេះ មន្ត្រីបច្ចេកទេស នៃនាយកដ្ឋានការពារដំណាំ អនាម័យ និងភូតគាមអនាម័យ ចុះពិនិត្យដល់ទីតាំង និងបានណែនាំឲ្យកសិករ ត្រូវសម្អាតស្មៅជុំវិញ និងក្នុងចម្ការ ពិសេសត្រូវភ្ជួរដីដែលនៅសល់ជុំវិញចម្ការ ដើម្បីកម្ចាត់ជម្រករបស់វា។ លើសពីនេះ កសិករ ក៏ត្រូវតាមដានវត្តមានមេអំបៅ និងត្រូវដាក់អន្ទាក់មេអំបៅផងដែរ។ ដោយសារការបំផ្លាញមានកម្រិតធ្ងន់ មន្ត្រីជំនាញក៏ប្រាប់ឲ្យកសិករ កម្ចាត់ពពួកដង្កូវនេះ ដោយប្រើប្រាស់ថ្នាំកសិកម្មផងដែរដែរួមមានប្រភេទEmamectin benzoat, Indoxacarb, Chloratraniliprol, Flubendiamide, Spinetoram។ នេះបើតាមទំព័រហ្វេសប៊ុក្រសួងកសិកម្ម។
Tag:
កសិកម្ម
បាត់ដំបង
ដង្កូវហ្វូង
© រក្សាសិទ្ធិដោយ thmeythmey.com