ឆ្ងល់រឿងចរាចរណ៍ ហៅទូរស័ព្ទទៅ ១១៧

ជាតិ

សង្គមជាតិ

ឆ្ងល់រឿងចរាចរណ៍ ហៅទូរស័ព្ទទៅ ១១៧

05, May 2020 , 5:59 pm

រូបភាព

រូបភាពពីស្នងការដ្ឋាននគរបាលរាជធានីភ្នំពេញ

ដោយ:

ភ្នំពេញ៖ ពលរដ្ឋ អាចហៅទូរស័ព្ទទៅលេខ១១៧ ដែលមានក្រុមអ្នកជំនាញច្បាប់ចរាចរណ៍ចាំជួយឆ្លើយរាល់ចម្ងល់ ទាក់ទងនឹងការរឹតបន្តឹងច្បាប់ចរាចរណ៍ផ្លូវគោក។ អគ្គស្នងការដ្ឋាននគរបាលជាតិ និងក្រសួងប្រៃសណីយ៍ និងទូរគមនាគមន៍ បានសហការគ្នា បង្កើតប្រព័ន្ធទូរស័ព្ទទាន់ហេតុការណ៍នេះ (Hotline) ដែលទាក់ទងនឹងរឿងចរាចរណ៍។

អគ្គស្នងការដ្ឋាននគរបាលជាតិ ចុះផ្សាយថា ការបង្កើតប្រព័ន្ធឆ្លងឆ្លើយព័ត៌មានទាន់ហេតុការណ៍នេះ គឺដើម្បីឆ្លើយតប និងរកដំណោះស្រាយអំពីការអនុវត្តច្បាប់ចរាចរណ៍ឲ្យបានទាន់ពេលវេលាជូនពលរដ្ឋ។

អគ្គស្នងការដ្ឋាននគរបាលជាតិ បានបញ្ជាក់ថា ក្រុមមន្ត្រីជំនាញច្បាប់ចរាចរណ៍ នឹងចាំឆ្លើយតបសំណួរ និងបកស្រាយរាល់បណ្តាប្រព័ន្ធផ្សព្វផ្សាយហ្វេសប៊ុក តាមការផ្សាយព័ត៌មានរបស់វិទ្យុ ទូរទស្សន៍ និង តាមបណ្តាអង្គភាពសារព័ត៌មាន ដែលបានផ្សាយព័ត៌មានផ្ទុយពីការរឹតបន្តឹងច្បាប់ចរាចរណ៍។

ការណ៍ដែលអគ្គស្នងការដ្ឋាននគរបាលជាតិ និងក្រសួងប្រៃសណីយ៍ បង្កើតប្រព័ន្ធឆ្លងឆ្លើយចរាចរណ៍ រវាងមន្ត្រីច្បាប់ចរាចរណ៍ និងពលរដ្ឋ គឺក្រោយពីមានពលរដ្ឋមួយចំនួន បានបង្ហោះសារដែលវាយប្រហារលើសមត្ថកិច្ចអំពីការរឹតបន្តឹងច្បាប់ចរាចរណ៍ ដែលផ្ទុយពីការពិត។

ចាប់តាំងពីកម្ពុជា រឹតបន្តឹងច្បាប់ចរាចរណ៍មក ករណីគ្រោះថ្នាក់ចរាចរណ៍ បានថយចុះច្រើន។ តែយ៉ាងណា នៅមានករណីគ្រោះថ្នាក់ចរាចរណ៍ កើតឡើង ដែលបណ្តាលមកពីការបើកបរលើសល្បឿនកំណត់ និងបត់មិនប្រយ័ត្ន។ នេះបើតាមអគ្គស្នងការដ្ឋាននគរបាលជាតិ។

គិតត្រឹមថ្ងៃទី៣ ខែឧសភា សមត្ថកិច្ចឃាត់បានម៉ូតូជាង២១៨៤គ្រឿង និងរថយន្ត៣១៨គ្រឿង ដើម្បីរង់ចាំឲ្យម្ចាស់យានយន្តចូលមកដោះស្រាយតាមផ្លូវច្បាប់៕