COVID-19
អន្តរជាតិ
នយោបាយអន្តរជាតិ
COVID-19៖ ជិត៣០០ករណីត្រឹម១សប្តាហ៍ ធ្វើឲ្យរដ្ឋមន្ត្រីសុខាភិបាលតាហ្ស៊ីគីស្ថានធ្លាក់ពីតំណែង
រដ្ឋមន្ត្រីសុខាភិបាលតាហ្ស៊ីគីស្ថាន លោក Nasim Olimzoda បានធ្លាក់ចេញពីតំណែងក្រោយមានករណីឆ្លងកូវីដ១៩ជិត៣០០ករណីក្នុង១សប្តាហ៍។ រូបថត asiaplustj
×![]()
ដោយ: តន ចាន់រិទ្ធារ៉ា
រដ្ឋមន្ត្រីសុខាភិបាលតាហ្ស៊ីគីស្ថានលោក Nasim Olimzoda ត្រូវបានបញ្ចប់ពីតំណែងរបស់ខ្លួន នៅថ្ងៃទី៥ ខែឧសភា បន្ទាប់ពីករណីឆ្លងជំងឺ COVID-19 នៅប្រទេសតំបន់អាស៊ីកណ្ដាលមួយនេះ ឡើងជិតដល់៣០០ករណី ក្នុងរយៈពេលត្រឹមមួយសប្ដាហ៍ ក្រោយការប្រកាសករណីឆ្លងដំបូង។ មុនការផ្ទុះឡើងករណីឆ្លងនេះ អាជ្ញាធរតាហ្ស៊ីគីស្ថាន តែងទាត់ចោលក្ដីបារម្ភ ពីការរាលដាល និងមិនសូវអើពើ ក្នុងការចាត់វិធានការទប់ស្កាត់ខ្លាំងក្លាឡើយ។
តាហ្ស៊ីគីស្ថាន បានប្រកាសពីករណីឆ្លង COVID-19 ដំបូងនៅថ្ងៃទី៣០ ខែមេសា ដោយមាន១៥ករណីតែម្ដង បន្ទាប់ពីអះអាងថា ខ្លួនមិនមានករណីឆ្លង COVID-19 ពីមុនឡើយ។ មួយសប្ដាហ៍បន្ទាប់ ករណីឆ្លងក៏បានកើនឥតឈប់ឈរ។ នៅថ្ងៃទី៥ ខែឧសភា ករណីឆ្លង COVID-19 ក្នុងប្រទេសនេះ បានហក់ឡើងដល់២៩៣នាក់ និងស្លាប់៥នាក់។
ជាមួយនឹងការកើនឡើងលឿនបែបនេះ ប្រធានាធិបតីតាហ្ស៊ីគីស្ថាន Emomali Rakhmon ក៏ប្ដូររដ្ឋមន្ត្រីសុខាភិបាលតែម្ដង។ ការិយាល័យលោក Rakhmon បញ្ជាក់ថា លោក Nasim Olimzoda ត្រូវបានដាក់ជំនួសដោយវេជ្ជបណ្ឌិតម្នាក់ទៀត ក្នុងតំណែងជារដ្ឋមន្ត្រីសុខាភិបាល។ នេះបើតាមការផ្សាយរបស់ទីភ្នាក់ងារព័ត៌មាន AFP ។
ការិយាល័យប្រធានាធិបតីតាហ្ស៊ីគីស្ថាន មិនបានបញ្ជាក់ហេតុផល នៃការផ្លាស់ប្ដូរនេះទេ ដោយបានត្រឹមបញ្ជាក់ថា លោក Olimzoda ត្រូវកាន់តំណែងថ្មី។ យ៉ាងណាមិញ លោក Olimzoda អស់តំណែងបែបនេះ ដោយទទួលខុសត្រូវចំពោះការឆ្លងរាលដាលយ៉ាងរហ័ស របស់ជំងឺ COVID-19 ក្នុងប្រទេស។ ប្រព័ន្ធផ្សព្វផ្សាយក្នុងស្រុករាយការណ៍ថា ក្នុងចំណោមអ្នកឆ្លងមានអ្នកជំនួញ មន្ត្រីយោធា អ្នកនយោបាយជាន់ខ្ពស់ ប៉ុន្តែទិន្នន័យនេះ មិនត្រូវបានរាយការណ៍ជាផ្លូវការឡើយ។
តាហ្ស៊ីគីស្ថាន ដែលត្រូវចាត់ទុកជាប្រទេសផ្ដាច់ការ ដែលមានព្រំដែនជាប់ចិន បានចាត់វិធានការតាំងពីដើមខែកុម្ ភៈដើម្បីទប់ទល់ COVID-19 ។ ទាំងជនជាតិតាហ្ស៊ីគីស្ថាន ទាំងជនបរទេស ត្រូវនៅដោយឡែកពេលចូលប្រទេសនេះ។
នៅអាស៊ីកណ្ដាល ដែលជាទឹកដីអតីតសហភាពសូវៀត នៅសល់តែតួកមេនីស្ថានមួយប៉ុណ្ណោះ ដែលមិនទាន់រាយការណ៍ពីករណីឆ្លង COVID-19 ។ តួកមេនីស្ថាន ក៏ស្ថិតក្នុងចំណោមប្រទេសតិចតួចបំផុតដែរ ដែលមិនទាន់មានករណីឆ្លងជំងឺផ្លូវដង្ហើមនេះ៕
តាហ្ស៊ីគីស្ថាន បានប្រកាសពីករណីឆ្លង COVID-19 ដំបូងនៅថ្ងៃទី៣០ ខែមេសា ដោយមាន១៥ករណីតែម្ដង បន្ទាប់ពីអះអាងថា ខ្លួនមិនមានករណីឆ្លង COVID-19 ពីមុនឡើយ។ មួយសប្ដាហ៍បន្ទាប់ ករណីឆ្លងក៏បានកើនឥតឈប់ឈរ។ នៅថ្ងៃទី៥ ខែឧសភា ករណីឆ្លង COVID-19 ក្នុងប្រទេសនេះ បានហក់ឡើងដល់២៩៣នាក់ និងស្លាប់៥នាក់។
ជាមួយនឹងការកើនឡើងលឿនបែបនេះ ប្រធានាធិបតីតាហ្ស៊ីគីស្ថាន Emomali Rakhmon ក៏ប្ដូររដ្ឋមន្ត្រីសុខាភិបាលតែម្ដង។ ការិយាល័យលោក Rakhmon បញ្ជាក់ថា លោក Nasim Olimzoda ត្រូវបានដាក់ជំនួសដោយវេជ្ជបណ្ឌិតម្នាក់ទៀត ក្នុងតំណែងជារដ្ឋមន្ត្រីសុខាភិបាល។ នេះបើតាមការផ្សាយរបស់ទីភ្នាក់ងារព័ត៌មាន AFP ។
ការិយាល័យប្រធានាធិបតីតាហ្ស៊ីគីស្ថាន មិនបានបញ្ជាក់ហេតុផល នៃការផ្លាស់ប្ដូរនេះទេ ដោយបានត្រឹមបញ្ជាក់ថា លោក Olimzoda ត្រូវកាន់តំណែងថ្មី។ យ៉ាងណាមិញ លោក Olimzoda អស់តំណែងបែបនេះ ដោយទទួលខុសត្រូវចំពោះការឆ្លងរាលដាលយ៉ាងរហ័ស របស់ជំងឺ COVID-19 ក្នុងប្រទេស។ ប្រព័ន្ធផ្សព្វផ្សាយក្នុងស្រុករាយការណ៍ថា ក្នុងចំណោមអ្នកឆ្លងមានអ្នកជំនួញ មន្ត្រីយោធា អ្នកនយោបាយជាន់ខ្ពស់ ប៉ុន្តែទិន្នន័យនេះ មិនត្រូវបានរាយការណ៍ជាផ្លូវការឡើយ។
តាហ្ស៊ីគីស្ថាន ដែលត្រូវចាត់ទុកជាប្រទេសផ្ដាច់ការ ដែលមានព្រំដែនជាប់ចិន បានចាត់វិធានការតាំងពីដើមខែកុម្ ភៈដើម្បីទប់ទល់ COVID-19 ។ ទាំងជនជាតិតាហ្ស៊ីគីស្ថាន ទាំងជនបរទេស ត្រូវនៅដោយឡែកពេលចូលប្រទេសនេះ។
នៅអាស៊ីកណ្ដាល ដែលជាទឹកដីអតីតសហភាពសូវៀត នៅសល់តែតួកមេនីស្ថានមួយប៉ុណ្ណោះ ដែលមិនទាន់រាយការណ៍ពីករណីឆ្លង COVID-19 ។ តួកមេនីស្ថាន ក៏ស្ថិតក្នុងចំណោមប្រទេសតិចតួចបំផុតដែរ ដែលមិនទាន់មានករណីឆ្លងជំងឺផ្លូវដង្ហើមនេះ៕
© រក្សាសិទ្ធិដោយ thmeythmey.com
